Ferill 48. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. –
48
. mál.
Sþ.
48. Tillaga til þingsályktunar
um flutning varnarmálaskrifstofu utanríkisráðuneytisins.
Flm.: Ellert Eiríksson, Ólafur G. Einarsson, Salome Þorkelsdótt
ir,
Hreggviður Jónsson.
Alþingi ályktar að fela ríkisstjórninni að láta flytja svo fljótt sem kostur er varnarmálaskrifstofu utanríkisráðuneytisins frá núverandi aðsetri til Keflavíkur.
G r e i n a r g e r ð .
Varnarmálaskrifstofan fjallar um mál er snerta framkvæmd varnarsamningsins milli Íslands og Bandaríkjanna, sbr. lög nr. 110/1951, einnig lagaframkvæmd á varnarsvæðunum, þar á meðal lögreglumál og dómsmál, tollamál, póst- og símamál, ratsjárstöðvamál, heilbrigðismál og félagsmál, sbr. lög nr. 106/1054.
Verkefni skrifstofunnar eru:
Málefni er varða framkvæmd varnarsamnings Íslands og Bandaríkjanna, sbr. lög nr. 110/1951.
Herfræðileg og hertæknileg málefni er lúta að upplýsingaöflun og rannsóknum þannig að hægt sé hverju sinni að leggja hlutlægt íslenskt mat á hernaðarstöðu landsins, varnarþörfina og fyrirkomulag varnanna.
Þátttaka í starfi hermálanefndar Atlantshafsbandalagsins. Samstarf við varnarliðið og yfirherstjórn Atlantshafsbandalagsins á Atlantshafi (SACLANT) um gerð áætlana varðandi varnir Íslands. Samskipti við varnarmálaráðuneyti ríkja eftir ákvörðun utanríkisráðherra.
Skýrslugjöf og ráðgjöf fyrir ríkisstjórnina.
Samstarf við almannavarnaráð og landhelgisgæslu.
Yfirstjórn ríkisstofnana sem starfa á eða eru í tengslum við varnarsvæðin og heyra undir utanríkisráðherra, sbr. lög nr. 106/1954, sbr. auglýsingu nr. 961/1969.
Eftirlit með verktökum og þjónustuaðilum er starfa á varnarsvæðum. Samskipti við nágrannasveitarfélög sem eru í nábýli við varnarsvæðin og stofnanir og aðila er hafa hagsmuna að gæta vegna veru varnarliðsins.