Ferill 243. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. – 243 . mál.
Sþ.
357. Tillaga til þingsályktunar
um áætlun um uppsetningu vegriða.
Flm.: Ingi Björn Albertsson.
Alþingi ályktar að fela samgönguráðherra að móta hið fyrsta áætlun um uppsetningu vegriða í vegakerfi landsins.
Áætlunina skal leggja fyrir Alþingi eigi síðar en 1. nóvember 1991.
Greinargerð.
Sá þáttur, sem orðið hefur útundan í uppbyggingu vegakerfis landsmanna, er uppsetning vegriða. Það er reyndar með ólíkindum að jafnmikilvægur þáttur sem þessi skuli ekki vera inni á sérstakri áætlun. Tillögu þessari er ætlað að bæta þar úr.
Það þarf ekki að fara mörgum orðum um mikilvægi vegriða á vegum, t.d. í bröttum fjallshlíðum. Á undanförnum árum hefur vegakerfið stórbatnað og ber að fagna því. Þó þykir flutningsmanni að forvarnastarf megi skipa æðri sess í vegaframkvæmdum landsmanna.
