Finnur Ingólfsson
:
Virðulegur forseti. Ég held að það sé að verða öllum ljóst sem á þessar umræður hlusta að tilgangurinn með fyrirspurninni var náttúrlega sá að afhjúpa alveg óskaplegan glæp en það er rokið út í veður og vind og menn sjá að þetta er ósköp eðlilegt
Hins vegar hjó ég eftir því í inngangi fyrirspyrjanda að hann minntist á kaup ríkisins á blöðum. Nú verður maður var við það eftir að eigendaskipti hafa orðið á Pressunni að Pressan er allt í einu farin að berast þingmönum. Því vil ég spyrja hæstv. fjmrh.: Er það svo eftir þessi eigendaskipti á Pressunni að ríkið sé farið að kaupa það blað í 250 eintökum, sem það gerði ekki að ég veit best meðan Alþfl. gaf það út?
