Ferill 15. máls. Aðrar útgáfur af skjalinu: Word Perfect.
1992–93. – 1062 ár frá stofnun Alþingis.
116. löggjafarþing. – 15 . mál.
412. Nefndarálit
um frv. til l. um breyt. á lagaákvæðum, er varða íslenskt ríkisfang, vegna aðildar að samningi um Evrópska efnahagssvæðið.
Frá meiri hluta efnahags- og viðskiptanefndar.
Nefndin hefur fjallað um málið og á fund hennar komu frá viðskiptaráðuneytinu Björn Friðfinnsson ráðuneytisstjóri og Finnur Sveinbjörnsson skrifstofustjóri. Stuðst var við umsagnir er bárust á 115. löggjafarþingi frá Íslenskri verslun, Verslunarráði Íslands, Félagi íslenskra iðnrekenda, Landssambandi iðnaðarmanna, Neytendasamtökunum, ASÍ og VSÍ. Þá var leitað eftir umsögn iðnaðarnefndar um 2. gr. frumvarpsins sem fjallar um breytingu á iðnaðarlögum, nr. 42/1978, og gerði iðnaðarnefnd ekki athugasemdir við ákvæðið.
Nefndin leggur til að gerðar verði breytingar á frumvarpinu. Annars vegar að felldar verði brott tilvitnanir í tilskipanir Evrópubandalagsins og hins vegar er lagt til að í stað orðsins „svæðisríki“ verði notað „aðildarríki Evrópska efnahagssvæðisins“.
Meiri hluti nefndarinnar mælir með samþykkt frumvarpsins með breytingum þeim sem gerð hefur verið grein fyrir og gerð er tillaga um á sérstöku þingskjali.
Alþingi, 4. des. 1992.
Vilhjálmur Egilsson,
Rannveig Guðmundsdóttir.
Sólveig Pétursdóttir.
form., frsm.
Ingi Björn Albertsson,
Sigríður A. Þórðardóttir.
með fyrirvara.