Ferill 286. máls. Aðrar útgáfur af skjalinu: Word Perfect.
1992–93. – 1062 ár frá stofnun Alþingis.
116. löggjafarþing. – 286 . mál.
552. Breytingartillögur
við frv. til l. um breytingar í skattamálum.
Frá efnahags- og viðskiptanefnd.
Á eftir orðinu „fengnum“ í 1. málsl. 2. mgr. 14. gr. laganna kemur: niðurfærslum skv. 31. gr. og.
Á eftir 31. gr. laganna komi ný grein, er verði 31. gr. A, með fyrirsögninni Niðurfærsla eigna, svohljóðandi:
Eftirtaldar eignir má færa niður með jöfnum fjárhæðum á fimm árum:
1. Stofnkostnað, svo sem kostnað vegna skráningar fyrirtækis og öflunar atvinnurekstrarleyfis.
2. Kostnað við tilraunavinnslu, markaðsleit, rannsóknir og öflun einkaleyfis og vörumerkja.
3. Stofnkostnaður við kaup á framleiðslurétti í landbúnaði.
Niðurfærsla samkvæmt grein þessari er heimil til frádráttar í fyrsta skipti á því ári þegar eignanna er aflað eða lagt er í kostnað þeirra vegna. Við sölu eigna skv. 1. og 2. tölul. telst söluverð þeirra að fullu til tekna á söluári að frádregnum þeim hluta sem ekki hefur verið færður niður. Um söluhagnað framleiðsluréttar í landbúnaði sbr. 3. tölul. fer eftir 14. gr.
5. tölul. 32. gr. laganna fellur brott.
Eftirfarandi breytingar verði á 7. tölul. 38. gr. laganna:
a. 1. mgr. orðist svo:
Keyptur eignarréttur að verðmætum hugverkum og auðkennum og aðrar eignir sem um er rætt í 4. tölul. 32. gr., 15–20%.
b. Lokamálsgrein fellur niður.
