![](http://www.althingi.is/myndir/althlit.gif)
Halldór Ásgrímsson :
Virðulegur forseti. Ég tel að þessi fjárhæð sem hér er ætluð til skattkerfisbreytinga sé algjörlega ófullnægjandi. Það er verið að tala um það að ákveða skattkerfisbreytingu hér á Alþingi næstu daga sem á að taka gildi 1. jan. Þetta er í reynd óframkvæmanlegt. Þetta mun kosta ríkissjóð mun meira og þetta mun kosta atvinnureksturinn í landinu gífurlegar fjárhæðir.
Ég er ekki á móti því að leggja fjármagn til skatteftirlits, en ég tel að þetta sé aldeilis ófullnægjandi. Ég er þar að auki á móti þessari breytingu og mun því sitja hjá við þessa atkvæðagreiðslu.