Ferill 193. máls. Aðrar útgáfur af skjalinu: Word Perfect.
1993–94. – 1063 ár frá stofnun Alþingis.
117. löggjafarþing. – 193 . mál.
676. Breytingartillögur
við frv. til hafnalaga.
Frá minni hluta samgöngunefndar (JÁ, JVK, StG, GÁ).
Eigi annar aðili en hafnarsjóður bryggju innan hafnarsvæðis skal gera samkomulag milli viðkomandi aðila og hafnarsjóðs um innheimtu gjalda. Skal í því samkomulagi miða við að eigandi mannvirkisins fái eðlilegan hlut gjaldanna til sín miðað við umfang og mat mannvirkja. Náist ekki samkomulag milli aðila skal ráðherra skera úr deilunni.
Eftirfarandi ákvæði skulu gilda um greiðsluþáttöku ríkissjóðs í hafnargerðum:
1. Ríkissjóður greiðir 100% kostnaðar við frumrannsóknir samkvæmt nánari ákvæðum í reglugerð.
2. Ríkissjóður greiðir 90% stofnkostnaðar við dýpkun aðalsiglingarleiðar að höfn samkvæmt nánari ákvörðun ráðuneytisins.
3. Ríkissjóður greiðir allt að 75% stofnkostnaðar við eftirtaldar framkvæmdir:
hafnargarða (öldubrjóta),
bryggju- og viðlegukanta,
dýpkanir,
uppfyllingar og umferðaræðar á hafnarsvæði innan marka sem ákveðin eru af ráðuneytinu,
siglingamerki,
mengunar- og slysavarnir,
vatns-, raf- og holræsalagnir um hafnarmannvirkin.
4. Ríkissjóður greiðir allt að 40% af stofnkostnaði við eftirtaldar framkvæmdir:
upptökumannvirki fyrir skip,
hafnarvogir,
hafnsögubáta,
fasta krana til löndunar úr smábátum.