[15:10]
Jóna Valgerður Kristjánsdóttir :
Virðulegi forseti. Ég get tekið undir það sem kom fram í skýringu með greininni áðan. Verið er að lækka fjármagn til lánasjóðsins í stað þess að gefa svigrúm til þess að leiðrétta þær óréttlátu reglur sem stjórn lánasjóðsins hefur sett sér við úthlutun á fjármagni og það hefði getað komið námsmönnum til góða. Þess vegna erum við á móti því að lækka framlag til lánasjóðsins um þetta.
