Ferill 426. máls. Aðrar útgáfur af skjalinu: Word Perfect.
1994–95. – 1064 ár frá stofnun Alþingis.
118. löggjafarþing. –
426
. mál.
697. Frumvarp til laga
um breytingu á lögum nr. 9/1970, um Iðnþróunarsjóð.
(Lagt fyrir Alþingi á 118. löggjafarþingi 1994–95.)
1. gr.
1. gr. laganna orðast svo:
Iðnþróunarsjóður er sjálfstæð stofnun í eigu ríkisins. Hann lýtur sérstakri stjórn samkvæmt lögum þessum.
Ríkissjóður ber ábyrgð á öllum skuldbindingum Iðnþróunarsjóðs.
Heimili og varnarþing Iðnþróunarsjóðs er í Reykjavík. Seðlabanki Íslands veitir sjóðnum nauðsynlega fyrirgreiðslu og starfsaðstöðu.
2. gr.
2. gr. laganna orðast svo:
Hlutverk Iðnþróunarsjóðs er að stuðla að uppbyggingu alhliða og samkeppnishæfs atvinnu
lífs á Íslandi.
Iðnþróunarsjóður gegnir hlutverki sínu með því:
1 .
að veita lán til ákveðinna verkefna, annaðhvort einn eða í samvinnu við aðra aðila,
2 .
að ábyrgjast lán sem veitt eru af öðrum aðilum,
3 .
að kaupa hlutabréf í nýjum og starfandi fyrirtækjum, enda verði að því stefnt að selja hlutabréfin strax og aðstæður leyfa og hagkvæmt þykir,
4 .
að veita lán með hagstæðum kjörum eða framlög, m.a. til tækniaðstoðar, rannsókna, vöruþróunar og markaðsathugana. Heimilt er að afskrifa lán heppnist verkefni ekki.
Til verkefna skv. 3. og 4. tölul. 2. mgr. má Iðnþróunarsjóður ekki verja hærri fjárhæð saman
lagt en 250 milljónum króna.
3. gr.
3. gr. laganna orðast svo:
Iðnþróunarsjóði er óheimilt að taka önnur lán en skammtímalán til að jafna sveiflur í greiðslustreymi sínu. Skammtímalán þessi má sjóðurinn ekki taka með útgáfu og sölu á skulda
bréfum og öðrum endurgreiðanlegum skuldaviðurkenningum til almennings.
4. gr.
4. gr. laganna orðast svo:
Iðnaðarráðherra skipar þrjá menn í stjórn Iðnþróunarsjóðs og skal einn þeirra skipaður for
maður stjórnar.
Stjórn Iðnþróunarsjóðs hefur yfirumsjón með starfsemi sjóðsins og fer með allt vald í mál
efnum hans sem ekki er öðrum falið samkvæmt lögum. Til ákvörðunar stjórnar þarf meiri hluta atkvæða.
Stjórn Iðnþróunarsjóðs ákveður áherslur í starfi sjóðsins í samræmi við ákvæði 2. gr. og setur reglur um skilyrði fyrir þátttöku sjóðsins í verkefnum, um umsóknir þar að lútandi og um meðferð þeirra. Þess skal gætt að reglur um meðferð umsókna tryggi sem best óháða og faglega um
fjöllun um þær.
5. gr.
5. gr. laganna orðast svo:
Stjórn Iðnþróunarsjóðs ræður honum framkvæmdastjóra. Framkvæmdastjóri fer með daglega stjórn sjóðsins í umboði stjórnar hans og ræður starfsfólk sjóðsins.
6. gr.
Lög þessi öðlast gildi 9. mars 1995. Jafnframt fellur brott fylgiskjal með lögum nr. 9/1970, um Iðnþróunarsjóð.
Lög nr. 9/1970, um Iðnþróunarsjóð, falla úr gildi 1. júlí 1996.
Athugasemdir við lagafrumvarp þetta.
Við inngöngu Íslands í Fríverslunarsamtök Evrópu árið 1970 var ákveðið að Norð
urlöndin settu sameiginlega á laggir norrænan iðnþróunarsjóð til að stuðla að aukinni iðn
þróun á Íslandi. Í samningi Norðurlandanna frá 12. desember 1969 um þennan sjóð, Iðn
þróunarsjóð, er kveðið á um að stofnframlag Danmerkur, Finnlands, Noregs og Svíþjóð
ar skuli endurgreitt á 15 árum. Þessum endurgreiðslum skal að fullu lokið að enduðum 25 árum frá stofnun sjóðsins. Þá fellur samningur Norðurlandanna um stofnun og starf
semi sjóðsins úr gildi og eftir það verður sjóðurinn eign og undir stjórn íslenska ríkis
ins. Sjóðurinn telst hafa verið stofnaður 9. mars 1970 þegar fyrrgreindur samningur tók gildi.
Með lögum nr. 9/1970, um Iðnþróunarsjóð, var ríkisstjórninni heimilað að staðfesta fyrir Íslands hönd fyrrgreindan samning ríkisstjórna Norðurlandanna um norrænan iðn
þróunarsjóð. Texti samningsins fylgir lögunum og telst hluti af þeim og hafa ákvæði hans lagagildi hér á landi. Í honum er m.a. kveðið á um þátttöku Norðurlandanna í stjórn sjóðsins. Í athugasemdum við frumvarpið, sem varð að lögum nr. 9/1970, segir m.a.: „Sú löggjöf, sem hér er sett um sjóðinn, getur gilt fyrstu 25 árin í starfi hans, þ.e. gildistíma samnings landanna um sjóðinn meðan hann er í sameign þeirra. Að þeim tíma loknum, ef starfsemin heldur áfram, er nauðsynlegt að setja sjóðnum ný lög undir alinnlendri stjórn án erlendrar aðildar.“
9. mars 1995 verða 25 ár liðin frá stofnun Iðnþróunarsjóðs. Þá skal inna af hendi loka
greiðsluna á stofnfé hinna Norðurlandanna og samtímis fellur úr gildi samningur Norð
urlandanna um Iðnþróunarsjóð. Fyrir þann tíma þarf Alþingi að vera búið að taka ákvörð
un um framtíð sjóðsins.
Aðstæður á innlendum lánsfjármarkaði hafa gerbreyst frá því að Iðnþróunarsjóður var stofnaður fyrir 25 árum. Iðnfyrirtæki, sem og önnur fyrirtæki landsins, eiga nú greiðan aðgang að stofnlánum hjá ýmsum lánastofnunum, auk þess sem nokkur þeirra hafa afl
að sér lánsfjármagns með útgáfu skuldabréfa á verðbréfamarkaði. Ekki er því lengur sama þörf á stofnlánastarfsemi Iðnþróunarsjóðs og áður.
Í þeirri efnahagsstöðnun sem ríkt hefur hér á landi frá 1987 hefur það berlega kom
ið fram að nauðsynlegt er að auka fjölbreytni og styrkja innviði íslensks atvinnulífs. Í því felst m.a. að hefja framleiðslu á nýjum framleiðsluvörum, hefja markaðssókn á innlend
um og erlendum markaði og auka framleiðni í öllum atvinnugreinum. Ýmsar ábending
ar hafa komið fram um leiðir til að stuðla að slíkri nýsköpun. Í skýrslu nefndar frá sept
ember 1993 um stuðning stjórnvalda við nýsköpun í atvinnulífi, sem skipuð var af iðn
aðarráðherra í kjölfar samþykktar ríkisstjórnarinnar í október 1992, kemur fram að skort
ur sé á fjármagni til þróunar vöru frá rannsóknarstigi til framleiðslustigs. Hið sama gild
ir um fjármagn til þróunar þjónustugreina og markaðsstarfsemi, bæði hér á landi og er
lendis. Í skýrslu nefndar, sem iðnaðarráðherra skipaði til að fjalla um starfsskilyrði iðn
aðar og út kom í september 1994, kemur fram að brýnt sé að stuðla að aukinni fram
leiðni, hagræðingu og nýsköpun í iðnaði og bent á að beita megi Iðnþróunarsjóði í því skyni þegar Íslendingar fá hann til ráðstöfunar.
Ríkisstjórnin hefur þegar stigið skref í þá átt að stuðla að nýsköpun í íslensku at
vinnulífi. Ákveðið hefur verið að efla rannsóknarstarfsemi í landinu og hafa framlög í Rannsóknasjóð Rannsóknaráðs ríkisins (nú Tæknisjóð Rannsóknarráðs Íslands) verið auk
in verulega. Þá hefur Þróunarsjóður sjávarútvegsins verið settur á laggir en hlutverk hans er m.a. að stuðla að nýsköpun í sjávarútvegi.
Mikilvægur liður í því að hrinda nýsköpunarstefnu í framkvæmd er að tryggja auk
ið fé til nýsköpunarverkefna. Því er lagt til að að áherslum í starfi Iðnþróunarsjóðs verði breytt þannig að hann fjármagni í auknum mæli verkefni er stuðla að nýsköpun í ís
lensku atvinnulífi en dragi úr hefðbundnum fjárfestingarlánum. Í því sambandi skal bent á að sjóðurinn getur sinnt nýsköpunarverkefnum samkvæmt fyrrgreindum samningi Norð
urlandanna um hann. Þess skal einnig getið að sjóðurinn hefur langa reynslu af nýsköp
unarverkefnum þótt sú starfsemi hafi að mestu legið niðri undanfarin ár. Hann hefur haft með höndum styrkveitingar og áhættulánveitingar vegna vöruþróunarverkefna og hefur verið öflugur þátttakandi og frumkvöðull í stofnun hlutafélaga á sviði áhættufjármögn
unar. Hann er stærsti einstaki hluthafinn í Þróunarfélagi Íslands hf. með 11% hlutafjár, á um 57% hlut í Draupnissjóðnum hf. og annast daglegan rekstur hans. Í ljósi þess að Iðnþróunarsjóður verður ein helsta uppspretta fjár til nýsköpunarverkefna verður að telja eðlilegt að hann freisti þess eftir megni að samræma starf þeirra aðila sem fjármagna ný
sköpun og laða slíka aðila til samstarfs.
Nýskipan fjárfestingarlánasjóða atvinnuveganna.
Hér á landi eru starfandi fjölmargir fjárfestingarlánasjóðir atvinnuveganna. Upphaf
lega voru þeir stofnaðir til að tryggja aðgang einstakra atvinnugreina að lánsfé á tímum lánsfjárskorts. Allir þeir stærstu eru í eigu ríkisins. Aðstæður í íslenskum fjármagns
markaði hafa gerbreyst frá stofnun þessara sjóða. Fyrirtæki eiga mun greiðari aðgang að fjármagni en áður, bæði innan lands og utan. Þá gera nýjar reglur um lágmark eigin fjár og lágmarkseiginfjárhlutfall lánastofnana auknar kröfur til fjárhagslegs styrkleika þess
ara sjóða. Loks leiða fyrstu almennu lögin um starfsemi lánastofnana annarra en við
skiptabanka og sparisjóða, nr. 123/1993, til þess að fjárfestingarlánasjóðirnir hafa nú mjög rúmar starfsheimildir, m.a. til að sinna öllu atvinnulífinu, svo framarlega sem sérlög um þá kveða ekki á um annað. Breyttar aðstæður á íslenskum fjármagnsmarkaði og aukin samkeppni við erlenda lánveitendur, verðbréfamarkaðinn og í einhverjum tilvikum banka og sparisjóði kalla á endurskoðun á fjárfestingarlánasjóðakerfinu. Á vegum ríkisstjórn
arinnar hafa verið kannaðar ýmsar leiðir til að koma á nýskipan fjárfestingarlánasjóða avinnuveganna í tengslum við þau tímamót er Iðnþróunarsjóður kemst alfarið í eigu ís
lenska ríkisins. Jafnframt hafa verið kannaðar leiðir til að veita aukið fé til nýsköpunar.
Starfandi hefur verið óformlegur vinnuhópur um þessi mál á vegum hlutaðeigandi ráðuneyta. Hefur vinnuhópurinn kannað sérstaklega viðhorf ýmissa forustumanna sam
taka atvinnulífsins. Í þessum viðræðum var fjallað um hugmyndir sem lúta að framtíðarskipan fjárfestingarlánasjóðanna. Þar var m.a. rætt um þann möguleika að sameina núverandi fjárfestingarlánasjóði iðnaðar og sjávarútvegs í einn öflugan fjárfestingarbanka en ýmsir aðrir kostir voru einnig ræddir. Jafnhliða yrði stofnaður sam
eiginlegur nýsköpunarsjóður atvinnuveganna og hefði hann sem fastan tekjustofn hluta arðs í hlutafélögunum/fjárfestingarbankanum, auk sérstaks stofnframlags. Ljóst er að svo viðamiklar breytingar, sem hér hefur verið lýst, verða ekki afgreiddar á þeim stutta tíma sem eftir er af þinginu. Ríkisstjórnin ákvað því á fundi sínum 17. febrúar 1995 að taka sérstaklega út úr þessum áformum þann þátt sem brýnastur er, þ.e. tímabundna fram
lengingu á starfsemi Iðnþróunarsjóðs, og beina starfsemi hans í auknum mæli að nýsköp
unarverkefnum. Til að undirstrika að hér er um að ræða fyrsta skref í viðameiri nýskip
an fjárfestingarlánasjóða atvinnuveganna samþykkti ríkisstjórnin eftirfarandi stefnumörk
un í ljósi niðurstaðna úr fyrrgreindum viðræðum:
„Fiskveiðasjóði annars vegar og Iðnlánasjóði og Iðnþróunarsjóði hins vegar verði breytt í tvö hlutafélög er taki til starfa 1. júlí 1996. Samtímis stofnun hlutafélaganna verði stofnuð nefnd fulltrúa ríkisins og þeirra atvinnuvega er standa að sjóðunum er hafi það hlutverk að undirbúa samruna sjóðanna tveggja eða gera tillögur um framtíðarskipan fjár
festingarlánasjóða atvinnuveganna. Stefnt verði að því að sú framtíðarskipan verði kom
in á í ársbyrjun 1998.
Fulltrúar atvinnulífsins hafa haft áhrif á stefnu og starfsemi fjárfestingarlánasjóðanna með setu í stjórnum þeirra. Þess vegna verður nýskipan fjárfestingarlánasjóða atvinnu
veganna einungis hrint í framkvæmd að höfðu nánu samráði við fulltrúa atvinnulífsins í framhaldi af þeim viðræðum sem átt hafa sér stað og þeim sjónarmiðum sem þar hafa komið fram.
Jafnframt verði undirbúin löggjöf um nýsköpunarsjóð er taki til starfa 1. júlí 1996. Tekjur hans verði hluti arðs í hinum nýju hlutafélögum er stofnuð verða um Fiskveiða
sjóð og Iðnlánasjóð/Iðnþróunarsjóð. Auk þess fái hann tiltekið framlag af eigin fé Iðn
þróunarsjóðs. Hlutverk sjóðsins verði að fjármagna nýsköpunarverkefni í öllum grein
um íslensks atvinnulífs.
Lögum um Iðnþróunarsjóð verði breytt í febrúar 1995 þannig að hann geti starfað áfram frá 9. mars 1995 til 1. júlí 1996. Á þessum tíma sinni Iðnþróunarsjóður nýsköp
unarverkefnum í auknum mæli.“
Meginefni frumvarpsins.
Í frumvarpinu er lagt til að gerðar verði lágmarksbreytingar á lögum nr. 9/1970, um Iðnþróunarsjóð, þannig að hann geti starfað áfram. Sjóðurinn kemst alfarið í eigu ríkis
ins 9. mars 1995 og að þá fellur úr gildi samningur ríkisstjórna Norðurlanda frá 12. des
ember 1969 um sjóðinn. Samningur þessi er birtur sem fylgiskjal með lögum nr. 9/1970 og í honum eru ýmis mikilvæg atriði sem nauðsynleg eru vegna áframhaldandi starfsemi sjóðsins. Þótt ákvæði frumvarpsins byggist að miklu leyti á ákvæðum fyrrnefnds samn
ings er engu að síður gert ráð fyrir breyttum áherslum í starfsemi sjóðsins þann stutta tíma sem gert er ráð fyrir að sjóðurinn starfi. Þannig er gert ráð fyrir að áhersla aukist á fjármögnun nýsköpunarverkefna en að verulega dragi úr hefðbundnum stofnlánum (fjár
festingarlánum). Í gildistökuákvæði frumvarpsins er lagt til að lög nr. 9/1970, um Iðn
þróunarsjóð, falli úr gildi 1. júlí 1996.
Með hliðsjón af ákvæðum 61.–64. gr. samningsins um Evrópska efnahagssvæðið, sbr. lög nr. 2/1993, og ákvörðunar Eftirlitsstofnunar EFTA um málsmeðferð og efni reglna á sviði ríkisaðstoðar frá 19. janúar 1994 er ljóst að tilkynna verður til stofnunarinnar þá aðstoð við atvinnulífið sem felst í þeirri áherslubreytingu sem lögð er til á starfsemi Iðn
þróunarsjóðs.
Athugasemdir við einstakar greinar frumvarpsins.
Um 1. gr.
Í 1. mgr. er kveðið á um stöðu Iðnþróunarsjóðs innan ríkiskerfisins.
Í 2. mgr. er tekið fram að ríkissjóður beri ábyrgð á öllum skuldbindingum sjóðsins. Er það í samræmi við 5. mgr. 2. gr. samnings Norðurlandanna um sjóðinn en þar segir að Ísland beri eitt ábyrgð á þeim skuldbindingum umfram stofnféð sem sjóðurinn kann að taka á sig vegna ábyrgða og lántöku.
Ákvæði 3. mgr. á sér fyrirmynd í 2. málsl. 2. gr. laga um Iðnþróunarsjóð og 5. mgr. 5. gr. samnings Norðurlandanna um sjóðinn. Þykir eðlilegt að leggja til óbreytt fyrir
komulag þar sem sjóðnum er einungis ætlað að starfa til 1. júlí 1996.
Um 2. gr.
1. mgr. þessarar greinar byggist á 1. gr. samnings Norðurlandanna um sjóðinn og 2. mgr. á 1. mgr. 4. gr. samningsins. Í 1. mgr. hefur verið sleppt eftirfarandi orðum úr 1. gr. samningsins: „og skal hann leggja megináherslu á tækni- og iðnþróun og samvinnu á sviði iðnaðar og viðskipta milli Íslands og hinna Norðurlandanna“. Þykir þessi breyting eðlileg þar sem sjóðnum er ætlað að þjóna atvinnulífinu öllu. Úr d-lið 1. mgr. 4. gr. samningsins, sem á sér samsvörun í 4. tölul. 2. mgr. þessarar greinar frumvarpsins, hef
ur verið sleppt eftirfarandi málsliðum: „Slík lán eða framlög mega samtals ekki nema meira en 10% af stofnfénu. Frá og með árinu 1980 er í sama tilgangi heimilt að ráðstafa til viðbótar 10% af eigin fé sjóðsins eins og það var í byrjun ársins 1980, auk 10% af rekstrarafgangi hvers árs, í fyrsta skipti af rekstrarafgangi ársins 1980.“ Í stað þessara ákvæða er lagt til að í 3. mgr. komi ákvæði er takmarki heildarfyrirgreiðslu sjóðsins skv. 3. (hlutafjárframlög) og 4. tölul. (áhættulán og styrkir) við samtals 250 milljónir króna. Þetta verður það fjármagn sem sjóðurinn hefur til ráðstöfunar í nýsköpunarverkefni til 1. júlí 1996. Loks skal tekið fram að lokamálsliður 4. tölul. 2. mgr. á sér ekki beina sam
svörun í ákvæðum samnings Norðurlandanna en í reynd hefur sjóðurinn starfað með þess
um hætti þegar um áhættulán hefur verið að ræða.
Þótt ekki sé kveðið á um það berum orðum í 4. tölul. 2. mgr. er litið svo á að það ákvæði heimili sjóðnum að fjármagna ýmiss konar verkefni hér á landi og erlendis sem eru til þess fallin að byggja upp atvinnulíf á Íslandi. Sem dæmi má nefna verkefni er stuðla að auknum fjárfestingum erlendra aðila hér á landi og útflutningi íslenskrar tækni
þekkingar til útlanda, svo og fjárfestingum Íslendinga erlendis.
Um 3. gr.
Hingað til hefur Iðnþróunarsjóður verið hefðbundin lánastofnun sem hefur fjármagn
að lánastarfsemi sína með eigin fé og lántökum. Í frumvarpinu er lagt til að áherslum í starfi sjóðsins verði breytt, auk þess sem gert er ráð fyrir að hann starfi aðeins til 1. júlí 1996. Í ljósi þessa og ágætrar lausafjárstöðu sjóðsins er lagt til að hann geti ekki tekið langtímalán. Þess í stað verði honum einungis heimilt að taka skammtímalán til að jafna sveiflur í greiðslustreymi sínu. Með lokamálslið greinarinnar er tryggt að sjóðurinn fell
ur ekki undir lög nr. 123/1993, um lánastofnanir aðrar en viðskiptabanka og sparisjóði. Er slíkt eðlilegt þar sem honum eða væntanlegum arftaka hans er ekki ætlað að starfa sem hefðbundin lánastofnun í framtíðinni.
Um 4. gr.
Í 4. gr. laganna um Iðnþróunarsjóð og 1. mgr. 5. gr. samnings Norðurlandanna um sjóðinn er kveðið á um tveggja þrepa stjórnarfyrirkomulag. Æðsta stjórn sjóðsins er í höndum fimm manna stjórnar sem skipuð er einum fulltrúa frá hverju Norðurlandanna. Hún getur og hefur framselt ákvarðanir um ýmis málefni sjóðsins til framkvæmdastjórn
ar. Framkvæmdastjórn sjóðsins er skipuð fulltrúum Landsbanka Íslands, Íslandsbanka hf. (tveir fulltrúar), Iðnlánasjóðs og Búnaðarbanka Íslands, auk framkvæmdastjóra sjóðsins. Nú er lagt til að þetta fyrirkomulag verði einfaldað verulega og sjóðnum skipuð þriggja manna stjórn. Er það sami fjöldi stjórnarmanna og í Iðnlánasjóði. Jafnframt er lagt til að lögbundin tengsl Iðnþróunarsjóðs við viðskiptabankana og Iðnlánasjóð verði rofin.
Mikilvægt er að mótaðar séu áherslur í starfi sjóðsins innan þeirra marka sem lögin heimila. Sömuleiðis er mikilvægt að settar séu reglur um þátttöku hans í verkefnum og skilyrði fyrir henni. Því er kveðið á um þessi verkefni stjórnar í 3. mgr. Í reglunum mætti t.d. setja ákveðin fjárhæðar- eða hlutfallsmörk á fjárfestingarlán, áhættulán, eiginfjár
framlög og styrki, skilyrði um að ákveðnar upplýsingar þurfi að vera til staðar til að um
sókn verði tekin til greina og skilyrði viðvíkjandi þátttöku sjóðsins í fjármögnun verk
efna. Einnig er gert ráð fyrir að stjórn sjóðsins setji reglur um meðferð umsókna í því skyni að tryggja sem best óháða og faglega umfjöllun þeirra. Þótt ekki sé kveðið á um það í frumvarpinu þykir eðlilegt að í slíkum reglum verði m.a. kveðið á um að umsókn
ir verði sendar sérfræðingum á hinum ýmsu sviðum til umsagnar.
Verði talin þörf á því síðar að kveða nánar á um verkefni og starfshætti stjórnar sjóðs
ins getur ráðherra gert það í reglugerð á grundvelli almennrar heimildar í 7. gr. gildandi laga.
Um 5. gr.
Greinin þarfnast ekki sérstakra skýringa að öðru leyti en því að þar sem í frumvarp
inu er gert ráð fyrir að starfsemi Iðnþróunarsjóðs haldi áfram, þótt áherslur breytist, er í engu hróflað við stöðu og réttindum núverandi starfsfólks sjóðsins.
Um 6. gr.
Lagt er til að lögin öðlist gildi sama dag og samningur Norðurlandanna um Iðnþró
unarsjóð fellur úr gildi. Jafnframt er lagt til að þau gildi einungis í rúmlega eitt ár. Er þetta í samræmi við stefnumótun ríkisstjórnarinnar um nýskipan fjárfestingarlánasjóða atvinnu
veganna sem lýst er í athugasemdum með frumvarpinu.
Fylgiskjal.
Fjármálaráðuneyti,
fjárlagaskrifstofa:
Umsögn um frumvarp til laga um breytingu
á lögum nr. 9/1970, um Iðnþróunarsjóð.
Lög nr. 9/1970, um Iðnþróunarsjóð, falla úr gildi 9. mars 1995, svo og samningur milli ríkisstjórna Norðurlanda um norrænan iðnþróunarsjóð fyrir Ísland sem prentaður er með lögunum og hefur lagagildi. Tilgangur þessa frumvarps er að framlengja ákvæði laganna frá 1970 um rúmlega eitt ár eða til 1. júlí 1996 og fella inn í lögin nokkur ákvæði úr nefndum samningi. Einnig er breytt nokkuð um áherslur í starfsemi sjóðsins í frumvarpinu frá því sem er í lögunum. Sú breyting verður á ábyrgð ríkissjóðs á fjárskuldbindingum sjóðsins að samkvæmt lögunum frá 1970 ber ríkissjóður ábyrgð sjóðsins umfram stofnfjárframlög en eftir lagabreytinguna ber ríkissjóður ábyrgð á öllum skuldbindingum hans umfram eignir. Vegna þess skamma tíma sem nýjum lögum er ætlað að gilda verður sjóðnum óheimilt að taka á sig nýjar skuldbindingar til langs tíma. Þá verður fyrirgreiðsla hans vegna nýsköpunarverkefna takmörkuð við 250 m.kr. Af þessu má ljóst vera að ríkissjóður ætti hvorki að bera kostnað né taka á sig auknar ábyrgðir við lagabreytinguna.