Ferill 136. máls. Aðrar útgáfur af skjalinu: Word Perfect.
1994–95. – 1064 ár frá stofnun Alþingis.
118. löggjafarþing. –
136
. mál.
763. Nefndarálit
um frv. til l. um breyt. á l. nr. 61/1994, um Rannsóknarráð Íslands.
Frá menntamálanefnd.
Nefndin hefur fjallað um frumvarpið sem kveður á um breytingu á skipan fulltrúa í Rann
sóknarráð Íslands. Annars vegar er kveðið á um að fulltrúar Alþýðusambands Íslands og Vinnu
veitendasambands Íslands tilnefni í ráðið auk þeirra sem lögin gera ráð fyrir. Hins vegar er kveðið á um að menntamálaráðherra skuli gæta þess við skipan í ráðið að jafnvægi sé á milli vís
inda og tækni og að sjálfstæði ráðsins sé tryggt svo að það fái sinnt lögbundnu eftirlitshlutverki sínu.
Við umfjöllun um málið studdist nefndin við umsagnir frá Skógrækt ríkisins, Seðlabanka Íslands, Alþýðusambandi Íslands, Veðurstofu Íslands, Iðntæknistofnun, Bandalagi háskóla
menntaðra ríkisstarfsmanna, Samtökum iðnaðarins, Rannsóknarráði Íslands, Hafrannsókna
stofnun, Þjóðminjasafni Íslands, læknaráði Landspítalans, læknaráði Borgarspítalans, Háskóla Íslands, Rannsóknastofnun fiskiðnaðarins, Rannsóknastofnun landbúnaðarins og Háskólanum á Akureyri.
Þær breytingar, sem kveðið er á um í frumvarpinu, eru gerðar til að tryggja áhrif atvinnulífs
ins enn frekar. Menntamálanefnd vill leggja áherslu á að samþykkt frumvarpsins felur ekki að neinu leyti í sér gagnrýni á störf þess Rannsóknarráðs sem nú situr. Með vísan til framangreinds leggur nefndin til að frumvarpið verði samþykkt með eftirfarandi
BREYTINGUM:
1 .
Við 2. gr. Greinin orðist svo:
Lög þessi öðlast þegar gildi.
2 .
Við bætist ákvæði til bráðabirgða, svohljóðandi:
3. gr. laga þessara kemur að fullu til framkvæmda þegar starfstími þess Rannsóknar
ráðs, sem fyrst var skipað árið 1994, rennur út. Menntamálaráðherra skipar þegar tvo full
trúa í Rannsóknarráð Íslands samkvæmt tilnefningum Alþýðusambands Íslands og Vinnu
veitendasambands Íslands og jafnmarga til vara og skal sú skipan gilda uns 3. gr. laga þess
ara kemur að fullu til framkvæmda. Nánar skal kveðið á um fyrirkomulag tilnefningar framangreindra samtaka í ákvæðum í reglugerð sem ráðherra setur.
Kristín Ástgeirsdóttir, Ólafur Þ. Þórðarson og Petrína Baldursdóttir voru fjarverandi við af
greiðslu málsins.
Alþingi, 22. febr. 1995.
Sigríður A. Þórðardóttir,
Valgerður Sverrisdóttir.
Árni Johnsen.
form., frsm.
Svavar Gestsson.
Björn Bjarnason.
Tómas Ingi Olrich.