[11:55]
Svavar Gestsson:
Virðulegi forseti. Ég styð að sjálfsögðu tillöguna en vil láta það koma fram að ég tel að þessi niðurstaða sé skelfileg afgreiðsla á málefnum Alþingis. Ótrúlegt sinnuleysi virðist ríkja um þessa stofnun hjá þingmönnum yfirleitt, nema í orði þegar þeir koma upp í þennan stól. Ég harma þessa niðurstöðu, hæstv. forseti, og tel hana mjög veika. Ég skora á forseta og forsætisnefnd að beita sér fyrir því á nýju ári að betur verði tekið á málefnum Alþingis en gert er í þessari tillögu.