Ferill 294. máls. Aðrar útgáfur af skjalinu: Word Perfect.
1995–96. – 1065 ár frá stofnun Alþingis.
120. löggjafarþing. – 294 . mál.
589. Svar
heilbrigðis- og tryggingamálaráðherra við fyrirspurn Guðmundar Hallvarðssonar um kostnað við umönnun aldraðra.
Meðalkostnaður við heimahjúkrun samkvæmt upplýsingum frá heilsugæslustöðvum sem annast heimahjúkrun var á árinu 1994 1.200 kr. við hverja heimsókn. Innifalin í þeirri upphæð er sú þjónusta sem veitt er einstaklingnum, þ.e. almenn hjúkrun.
Innifalin upphæðinni eru hins vegar ekki:
Læknisþjónusta; þak lífeyrisþega í læknisþjónustu er 3.000 kr. á ári.
Lyfjakostnaður; verulega niðurgreiddur fyrir ellilífeyrisþega.
Tannlækningar; 50% niðurgreiðsla.
Hjálpartæki; veittar voru 88 m.kr. í hjálpartæki fyrir ellilífeyrisþega árið 1991.
Rannsóknar- og röntgenþjónusta; niðurgreidd.
Heimilishjálp; tekjutengd.
Heimsendur matur; niðurgreiddur.
Daggjaldastofnanir fá greitt fyrir hvern legudag samkvæmt daggjaldataxta daggjaldastofnana en stofnanir á föstum fjárlögum hafa til umráða framlög samkvæmt fjárlögum og er þar hægt að finna meðalkostnað á dag, ýmist miðað við rúmafjölda eða legudagafjölda.
Krónur á dag
Daggjaldastofnanir:
Dvalarheimili
2.639
Hjúkrunarheimili
4.274–6.119
Stofnanir á föstum fjárlögum:
Hjúkrunarheimili
5.000–6.600
Sjúkrahús
7.000–10.000
Innifalið kostnaði er öll þjónusta sem talin er upp í 1. lið í svari við 1. spurningu.
— Þess ber að gæta í samanburði milli mismunandi úrræða að stofnkostnaður dvalar- og hjúkrunarheimila getur verið 5–8 m.kr.
— Um er að ræða raunverulegan kostnað í báðum tilvikum. Ef hins vegar er litið til hver útgjöld ríkisins eru í báðum liðum verður að taka tillit til þess að greiðsluþátttaka vistmanna og hjúkrunarsjúklinga á stofnunum er veruleg þar sem ellilífeyrir einstaklinganna rennur upp í kostnað. Einstaklingar í heimahúsum halda hins vegar sínum greiðslum óskertum frá lífeyristryggingum Tryggingastofnunar, þ.e. eins og lög gera ráð fyrir. Útgjöld ríkisins lækka því sem nemur greiðsluþátttöku vistmanna þegar litið er á rekstrarkosnað dvalar- og hjúkrunarheimila.
— Í skýrslu um heimahjúkrun frá árinu 1995 er gerður samanburður milli heimahjúkrunar og stofnana og farið yfir ýmsa þætti sem geta haft áhrif á niðurstöður útreikninga.