[prenta uppsett í dálka] 44. fundur
Steingrímur J. Sigfússon (um atkvæðagreiðslu):
Herra forseti. Hér kemur til atkvæða fyrsta tillagan af nokkrum sem tengjast málefnum Barnaspítala Hringsins eða nýbyggingar barnaspítala. Í ljósi þeirra umræðna og upplýsinga sem komu fram við 2. umr. í gær og þeirra loforða sem gefin voru að inn í 6. gr. fjárlaga verði tekin heimild til þess að verja andvirði sölu á landi Vífilsstaðaspítala til þessa verkefnis og í trausti þess að gengið verði þannig frá málinu með óyggjandi hætti fyrir 3. umr. og endanlega afgreiðslu fjárlaga að ljóst verði að framkvæmdir geti hafist á næsta ári og Alþingi skilji ekki við málið fyrr en það er í höfn, þá kalla ég þessa tillögu til baka þar sem ekki er rétt að láta þá vera að fella tillögu sem gengur í sömu átt og vonandi verður endanleg niðurstaða Alþingis.
