[prenta uppsett í dálka] 93. fundur
Heilbrigðisráðherra (Ingibjörg Pálmadóttir):
Virðulegi forseti. Eins og fram hefur komið þá er mikilvægt að hraða þessu máli og það hefur orðið of mikill dráttur á framkvæmd þess að setja reglugerðir við þau lög sem samþykkt voru hér fyrir meira en ári síðan. En eins og ég sagði í svari mínu áðan þá er keppt að því að afgreiða þessar reglugerðir fyrir miðjan maí og það er unnið kappsamlega að því.
