Kristín Halldórsdóttir:
Herra forseti. Meiri hlutinn hefur fellt allar hinar raunsæju og vel rökstuddu tillögur minni hlutans um hækkun framlaga til sjúkrahúsanna. En hér kemur einn potturinn eins og nú er siður í ráðuneytinu. Með tilliti til vandans sem við er að fást er þessi tillaga satt að segja eins og upp í nös á ketti og þó segja megi að allt sé betra en ekkert, þá kýs ég að sitja hjá.