Ferill 440. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 767 – 440. mál.
Fyrirspurn
til sjávarútvegsráðherra um afsal aflaheimilda vegna úthafsveiðileyfa.
Frá Svanfríði Jónasdóttur.
1. Hefur ráðherra bundið úthlutun veiðileyfa í íslenska deilistofna því skilyrði að þau skip afsali sér aflaheimildum innan lögsögu Íslands, sbr. 2. mgr. 5. gr. laga nr. 151/1996?
2. Ef svo er, hvaða skip í eigu hvaða útgerða hafa fengið veiðileyfi með slíkum skilmálum?
3. Hve miklar veiðiheimildir fengu viðkomandi skip og hve miklu þurftu þau að afsala í staðinn til þeirra sem hafa aflaheimildir innan lögsögu?
4. Hefur ráðherra með sama hætti bundið úthlutun veiðileyfa til úthafsveiða sbr. 3. mgr. 6. gr. laga nr. 151/1996?
5. Ef svo er, hversu mörg skip í eigu hvaða útgerða hafa fengið veiðileyfi með slíkum skilmálum?
6. Hve miklar veiðiheimildir fengu viðkomandi skip og hve miklu þurftu þau að afsala í staðinn til þeirra sem hafa aflaheimildir innan lögsögu?
7. Hvernig voru þær veiðiheimildir sem skip afsöluðu sér fyrir veiðileyfi metnar á móti þeim heimildum sem skipin voru að fá?
Skriflegt svar óskast.