Ferill 385. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 1179 – 385. mál.
Svar
forsætisráðherra við fyrirspurn Ögmundar Jónassonar um flutning þróunarsviðs Byggða
Fyrirspurnin hljóðar svo:
1. Hvaða hagkvæmnisrök liggja að baki þeirri ákvörðun stjórnar Byggðastofnunar að flytja þróunarsvið hennar til Sauðárkróks?
2. Hver verður hinn faglegi ávinningur af flutningnum, sérstaklega ef núverandi starfsmenn flytjast ekki með?
3. Var þessi ákvörðun tekin í samráði við eftirfarandi ábyrgðarmenn og stjórnendur stofnunarinnar: forsætisráðherra, forstjóra stofnunarinnar og forstöðumann þróunar
4. Hefur starfsfólki þróunarsviðs verið greint frá þessari ákvörðun á formlegan hátt og hugur þess til flutnings á Sauðárkrók verið kannaður?
5. Er þörf á reglugerðarbreytingu vegna flutningsins, og ef svo er, mun þá ráðherra gera þær breytingar sem krafist er þannig að ekki verði tafir á flutningi þróunarsviðs?
6. Er ákvörðunin um flutning þróunarsviðs tímabær ef áætluð heildarendurskoðun á lögum og starfsemi Byggðastofnunar samkvæmt verkefnalista ríkisstjórnarinnar stend
7. Hver er áætlaður kostnaður við flutninginn að því gefnu að enginn af núverandi starfsmönnum sviðsins flytjist og réttur þeirra til biðlauna í eitt ár verði fullnýttur?
8. Getur starfsfólk fleiri ríkisstofnana átt von á því að störf þeirra verði flutt nær fyrirvaralaust í annan landshluta á næstunni?
9. Hver er reynsla nágrannaþjóðanna af stofnanaflutningi? Er ástæða til þess að ætla að reynslan hérlendis verði önnur en t.d. reynsla Svía?
10. Var stofnun útibúa Byggðastofnunar á Sauðárkróki, Egilsstöðum, Ísafirði og Akureyri, þ.e. nær vettvangi á landsbyggðinni, mistök, og verða útibúin lögð niður í framhaldi af flutningi þróunarsviðs til Sauðárkróks?
Forsætisráðuneytið ritaði Byggðastofnun bréf þann 20. janúar 1998 og óskaði eftir upp
1. Í svari Byggðastofnunar til forsætisráðuneytisins dags. 6. apríl 1998 er upplýst að ákvörðun um flutning þróunarsviðs stofnunarinnar til Sauðárkróks hafi ekki byggst á hagkvæmnissjónarmiðum heldur hafi hér verið um stefnumótandi ákvörðun að ræða.
2. Í svari Byggðastofnunar segir að ekki sé að vænta sérstaks faglegs ávinnings af flutningnum. Hins vegar telji stjórnin eðlilegt að verkefni þróunarsviðsins séu unnin úti á landi af fólki sem býr við og skilur betur aðstæður landsbyggðarinnar.
3. Í svari Byggðastofnunar segir að ákvörðunin hafi verið tekin af stjórn stofnunarinnar.
4. Í svari Byggðastofnunar segir að starfsfólki hafi verið greint frá ákvörðun um flutning þróunarsviðsins 4. nóvember 1997 en formlegt bréf hafi verið sent um miðjan febrúar 1998.
5. Forsætisráðuneytið hefur með bréfi dags. 10. mars sl. tilkynnt Byggðastofnun að ráðuneytið muni gera breytingar á reglugerð um Byggðastofnun sem heimili staðsetningu þróunarsviðs stofnunarinnar utan höfuðborgarsvæðisins áður en til flutnings kemur. Er nú unnið að undirbúningi nauðsynlegra breytinga á reglugerð um Byggðastofnun.
6. Heildarendurskoðun á lögum og starfsemi Byggðastofnunar stendur ekki fyrir dyrum í bráð.
7. Í svari Byggðastofnunar segir orðrétt um þennan tölulið: „Ekki liggur fyrir hver biðlaunaréttur starfsmanna er. Launakostnaður á ársgrundvelli hjá deildinni hefur verið milli 16–17 millj. kr.“
8. Forsætisráðuneytinu er ekki kunnugt um að uppi séu áform um flutning stofnana út á landsbyggðina önnur en þau sem þegar hafa verið kynnt.
9. Í svari Byggðastofnunar til forsætisráðuneytisins dags. 6. apríl 1998 er vísað til stefnumótandi áætlunar í byggðamálum 1994–97, sem Alþingi samþykkti í formi þingsálykt
10. Í svari Byggðastofnunar segir að stofnun skrifstofa á landsbyggðinni hafi ekki verið mistök. Nú hafi atvinnuþróunarfélög á landsbyggðinni verið efld og til þeirra sé varið 65 millj. kr. rekstrarstyrkjum á ári. Byggðastofnun geti ekki með núverandi fjárveiting
