Egill Jónsson (andsvar):
Virðulegi forseti. Það er reyndar bara af kurteisi við hv. heiðursþingmann að ég kem upp aftur því að í rauninni var andsvar hans ekki þess eðlis að það kallaði á mikla umræðu.
Ég held að það skorti ekkert á í stjórnsýslunni eins og er. Ég hef ekki fundið það. Við höfum byggðamálaráðherra eins og allir vita og mér finnst áhugi hans á byggðamálum koma býsna vel fram í þessari þáltill. og reyndar í fleiri málum. Ég get því ekki séð annað en að forustan í byggðamálum sé í góðs manns og góðra manna höndum. Það þarf kannski einhvers staðar meiri aðgerða við í byggðamálum en fara að gera miklar stjórnsýslubreytingar.
Spurningin er líka hvort ekki sé betra að fækka ráðherrum en fjölga þeim.