Egill Jónsson:
Virðulegi forseti. Í athugasemdum við langtímaáætlun um vegagerð sem afgreidd var frá Alþingi fyrir tæpu ári segir m.a. svo að ef til framkvæmda í jarðgangagerð komi yrði það gert samkvæmt sérstakri áætlun.
Hins vegar er með samþykkt ályktunarinnar hafinn undirbúningur að nýju átaki í jarðgangagerð á Íslandi. Þær áherslur sem fram koma í tillögu okkar Arnbjargar Sveinsdóttur um jarðgöng milli Reyðarfjarðar og Fáskrúðsfjarðar falla algerlega að þessum markmiðum. Þessari niðurstöðu fagna ég og þessa niðurstöðu þakka ég.