[prenta uppsett í dálka] 34. fundur, 123. lþ.
Svavar Gestsson:
Herra forseti. Ég stend að áliti efh.- og viðskn. um að leggja þessa stofnun niður. Það er ekkert sjálfsagðara. Hins vegar átti ég ekki kost á því að fara yfir það við 2. umr. málsins hvaða skuldbindingar það eru sem ríkissjóður er að yfirtaka frá þessari stofnun sem á mjög merkilega sögu sem heitir Framkvæmdasjóður, Framkvæmdabanki, Byggðastofnun og fleira í gegnum tíðina. Þær skuldbindingar sem ríkissjóður er að taka á sig fyrir þessa sjoppu eru aðallega lífeyrisskuldbindingar. Þær eru gríðarlega háar og hv. efh.- og viðskn. fékk upplýsingar um það við meðferð málsins hve miklar þær væru og ég áskil mér rétt til að gera grein fyrir þeim upplýsingum við 3. umr. málsins, herra forseti.
