Ferill 87. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 184 — 87. mál.
Svar
viðskiptaráðherra við fyrirspurn Jóhönnu Sigurðardóttur um hlutafélög og einkahlutafélög.
Fyrirspurnin hljóðar svo:
1. Hve mörg hlutafélög annars vegar og einkahlutafélög hins vegar voru skráð á árunum 1996, 1997 og 1998 (til 1. okt.), sundurliðað eftir árum og starfsgreinum?
2. Hve mikið fjölgaði hlutafélögum annars vegar og einkahlutafélögum hins vegar á þessum árum sem hlutfall af heildarfjölda þeirra, sundurliðað eftir árum og starfsgreinum?
Hagstofa Íslands, sem hefur frá 1. september 1997 starfrækt hlutafélagaskrá, hefur tekið saman upplýsingar um þetta efni. Í töflu 1 eru upplýsingar um heildarfjölda skráðra hlutafélaga og einkahlutafélaga eftir atvinnugreinum miðað við seinasta dag áranna 1996 og 1997 og 1. október 1998.
Í töflu 2 er sýnt hve mikið hlutafélögum og einkahlutafélögum fjölgaði á árunum 1996 til 1998, sundurliðað eftir atvinnugreinum. Tekið skal fram að taflan sýnir eingöngu breytingar í einstökum atvinnugreinum sem voru tilkomnar vegna nýskráningar og afskráningar en ekki má ráða af þessum upplýsingum hve mörg fyrirtæki tilkynntu um breytta starfsemi, þ.e. hættu starfsemi í einni atvinnugrein en hófu starfsemi í annarri.
Hér er myndað efni sem sést ekki í vefútgáfu
Hér er myndað efni sem sést ekki í vefútgáfu