Ferill 239. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 270 — 239. mál.
Fyrirspurn
til samgönguráðherra um samkeppnisrekstur Landssímans.
Frá Lúðvík Bergvinssyni.
1. Hefur fjárreiðum þeirra deilda Landssímans hf., sem eru í samkeppni um einkaréttarþjónustu, verið haldið aðskildum frá öðrum rekstri, sbr. 11. gr. laga nr. 103/1996?
2. Hvaða deildir telur Landssíminn hf. að séu í samkeppnisrekstri?
3. Eru fjármumir fluttir frá deildum, sem eru ekki í samkeppnisrekstri, til deilda sem eru í slíkum rekstri?
4. Hver var hagnaður eða tap hverrar deildar á árinu 1997?
5. Hver var upphafleg fjárfesting Landssímans hf. (P&S) í Cantat-3 strengnum og hversu mikil bandvídd var keypt?
6. Hver er rekstrarkostnaður Landssímans hf. við Cantat-3 á ári?
7. Hve mikil bandvídd Landssíma hf. og forvera hans (P&S) hefur verið í notkun (seld ) 1995, 1996 og 1997? — Óskað er eftir að svar verði sundurliðað eftir árum og í eftirfarandi flokka:
a. Ísland – Kanada,
b. Ísland – Evrópa,
c. Kanada – Evrópa.
Enn fremur er óskað eftir að í svari verði sundurliðað hvert sé meðalsöluverð Landssímans hf. og forvera hans á fyrrgreindum leiðum hvert áranna 1995–97 á Mbit.
Skriflegt svar óskast.
