Ferill 446. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 744 — 446. mál.
Fyrirspurn
til samgönguráðherra um framkvæmdaáætlun ríkisstjórnarinnar í jafnréttismálum.
Frá Kristínu Ástgeirsdóttur.
1. Hvað líður mati á framlagi kvenna til ferðaþjónustu í landinu og hugmyndum um aðgerðir til að auka það, sbr. lið 10.1 í framkvæmdaáætlun ríkisstjórnarinnar um aðgerðir til að ná fram jafnrétti kynjanna?
2. Er hafin könnun stöðu jafnréttismála í ráðuneytinu og þeim stofnunum sem undir það heyra, sbr. lið 10.3 í framkvæmdaáætluninni? Ef svo er, hvað hefur hún leitt í ljós?
3. Hvað líður gerð jafnréttisáætlana í ráðuneytinu og þeim stofnunum sem undir það heyra, sbr. lið 10.3 í framkvæmdaáætluninni?
Skriflegt svar óskast.