Ferill 467. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 772 — 467. mál.
Fyrirspurn
til félagsmálaráðherra um laun grunnskólakennara og fjármál sveitarfélaga.
Frá Steingrími J. Sigfússyni.
1. Telur ráðherra, sbr. ummæli hans í umræðum á Alþingi þriðjudaginn 2. febrúar sl. og ummæli í umræðuþætti í ríkissjónvarpinu að kvöldi sama dags, að laun grunnskólakennara séu of há? Ef svo er, hvað teldi ráðherra vera hæfileg laun fyrir grunnskólakennslu?
2. Hefur ráðherra í hyggju að beita sér fyrir breytingu á lögum um stéttarfélög og vinnudeilur, lögum um réttindi og skyldur starfsmanna ríkisins eða lögum um réttindi og skyldur kennara og skólastjórnenda grunnskóla til að takmarka réttindi kennara eða annarra sambærilegra stétta?
3. Telur ráðherra að sveitarfélögunum sé ekki treystandi til að vera viðsemjandi grunnskólakennara eða til að fara með samningsrétt yfirleitt?