Ferill 532. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 855 — 532. mál.
Fyrirspurn
til heilbrigðisráðherra um heilbrigðisþjónustu.
Frá Katrínu Fjeldsted.
1. Vill ráðherra koma því til leiðar að samið verði við hóp heimilislækna um heilsugæslu fyrir íbúa Heima-, Voga- og Sundahverfis í Reykjavík þar sem engin heilsugæslustöð er nú starfandi?
2. Hvernig skiptist kostnaður við heilbrigðisþjónustu í þéttbýli milli:
a. heilsugæslu,
b. sérfræðiþjónustu utan sjúkrahúsa og
c. sjúkrahúsþjónustu?
3. Hvernig gengur að manna stöður hjúkrunarfræðinga í heilsugæslunni í ljósi þess að mörg hundruð hjúkrunarfræðinga vantar á spítalana?
4. Telur ráðherra heimilt að sjúkraliðar á heilsugæslustöð vinni undir stjórn lækna?
5. Vill ráðherra beita sér fyrir því að heilbrigðisþjónusta utan sjúkrahúsa flytjist ásamt tekjustofnum til sveitarfélaga sem eftir því kunna að óska?
Skriflegt svar óskast.