Heilbrigðisráðherra (Ingibjörg Pálmadóttir):
Virðulegi forseti. Það kom fram í gær í fréttum hjá forstjóra Ríkisspítala og Sjúkrahúss Reykjavíkur að ekki hafi verið gert ráð fyrir ýmsu í fjárlögum, t.d. 2000-vandanum, framgangskerfi í samningum við hjúkrunarfræðinga og vinnutímatilskipun EES. Þetta mál er í höndum sjúkrahúsanna og þeir munu senda mér skýrslur innan tíðar. En ég vil vekja athygli á því að á morgun er utandagskrárumræða um stöðu sjúkrahúsanna sem beðið hefur verið um hér á hinu háa Alþingi.