![](http://www.althingi.is/myndir/althlit.gif)
Viðskiptaráðherra (Finnur Ingólfsson) (andsvar):
Herra forseti. Aldrei var ég í neinum vafa um að góður hugur lægi að baki tillögunni enda tók ég hana með þeim skilningi í umræðunni. Hins vegar er það bara svo að stjórnarfrv. eru stjórnarfrv. Ég er ekki í neinum vafa um að það mun myndast mjög gott samstarf milli stjórnarflokkanna um að geta komið þessu stjórnarfrv. inn á Alþingi eins og mjög mörgum öðrum stjórnarfrv.
Síðan segi ég og hef áður ítrekað við umræðuna: Ég tel hins vegar að í þessu frv. sé mjög margt sem verður hugsanlega tekið inn og ríkisstjórnin geri að sínu í stjórnarfrv. þegar það kemur hingað inn. Það sem þá út af stendur, eða ekki verður tekið tillit til, þá fer auðvitað fram hin pólitíska umræða á réttum vettvangi sem er í efh.- og viðskn. og svo auðvitað í þinginu.