Magnús Stefánsson (andsvar):
Herra forseti. Ég óska eftir því að hv. þm. skýri frekar þessa yfirlýsingu sína um að í gildi sé lögvernduð einokun Símans á þessum markaði varðandi grunnnetið. Ég vil skýra þetta frekar. Ég spyr hv. þm.: Telur hann að í fjarskiptalöggjöfinni, þar sem m.a. er kveðið á um alþjónustuna eins og hún er skýrð þar, um aðgang samkeppnisaðila að grunnnetinu, um reikisamninga, um samtengingar og fjölmörg fleiri ákvæði fjarskiptalaganna, telur hann enn þá að í þessu felist lögvernduð einokun Símans og þess vegna eigi að halda grunnnetinu eftir í eigu ríkisins?
Ég vona að hv. þm. geti skýrt þetta frekar.