Ferill 215. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 445 — 215. mál.
Nefndarálit
um frv. til l. um breyt. á l. nr. 38 11. maí 1998, um stjórn veiða úr norsk-íslenska síldarstofninum, með síðari breytingum.
Frá meiri hluta sjávarútvegsnefndar.
Nefndin hefur fjallað um málið og fengið á sinn fund Friðrik J. Arngrímsson og Kristján Ragnarsson frá Landssambandi íslenskra útvegsmanna, Hólmgeir Jónsson og Sævar Gunnarsson frá Sjómannasambandi Íslands, Grétar M. Jónsson frá Farmanna- og fiskimannasambandi Íslands og Helga Laxdal frá Vélstjórafélagi Íslands. Þá átti nefndin símafund með Þorvaldi Jóhannessyni frá Sambandi sveitarfélaga á Austurlandi.
Með frumvarpinu er lagt til að gildistími laga nr. 38/1998, um stjórn veiða úr norsk-íslenska síldarstofninum, verði framlengdur um eitt ár svo að þau gildi fyrir árið 2001, ella falla þau úr gildi um næstu áramót. Ráðgert er að sú efnislega endurskoðun sem mælt er fyrir um í 3. gr. laganna fari fram samhliða heildstæðri endurskoðun sem nú er unnið að á lögum um stjórn fiskveiða á vegum nefndar sem sjávarútvegsráðherra hefur skipað. Þar sem nú stendur yfir heildarendurskoðun á fiskveiðilöggjöfinni er ekki ástæða til að taka lög nr. 38/1998 upp sérstaklega.
Á árinu var gerð sú breyting á lögum nr. 38/1998 að af skipum sem stunduðu síldveiðar á viðmiðunarárunum 1995, 1996 og 1997 og skipum sem komið hafa í þeirra stað var heimilað að framselja aflahámark án takmarkana. Þetta hefur m.a. haft þau áhrif að framsal á þessu ári var 31,2% en var 11,6% á síðasta ári.
Nefndin aflaði sér upplýsinga um ráðstöfun afla íslenskra skipa úr norsk-íslenska síldarstofninum á árunum 1995–2000 og einnig um landaðan afla íslenskra skipa úr norsk- íslenska síldarstofninum skipt eftir mánuðum á árunum 1995–2000. Má af þeim upplýsingum ráða að nokkur breyting hefur orðið á ráðstöfun aflans. Einnig er athyglisvert að æ meira veiðist af norsk-íslenska síldarstofninum í júní en minna í maí. Raunar var lítil sem engin veiði úr þessum stofni í maí í ár. Þetta má sjá í töflum í fylgiskjali með nefndaráliti þessu.
Nefndin vill vekja athygli á því að talsverðar breytingar hafa orðið á sókn í norsk-íslensku síldina og er hún veidd af stærri skipum en áður þar sem nú er að bætast í nótaveiðiflotann talsvert af stórum og nýjum skipum. Samkvæmt gildandi lögum ráðast aflaheimildir skipa að nokkru af stærð þeirra og því er ljóst að tilkoma stærri skipa getur skert veiðirétt þeirra sem fyrir eru.
Prentað upp.
Meiri hlutinn leggur til að frumvarpið verði samþykkt óbreytt.
Alþingi, 6. des. 2000.
Einar K. Guðfinnsson,
form., frsm.
Árni R. Árnason.
Hjálmar Árnason.
Kristinn H. Gunnarsson.
Vilhjálmur Egilsson.
Guðmundur Hallvarðsson.
Fylgiskjal.
Fiskistofa:
Yfirlit yfir aflahámark og afla úr norsk-íslenska síldarstofninum.
(4. desember 2000.)
Tafla 1. Aflahámark, millifærslur aflahámarks og afli úr norsk-íslenska síldarstofninum 1999 og 2000.
1999 | 2000 | |
Samtals úthlutað aflahámark
|
202.000 lestir | 194.230 lestir |
Samtals flutt magn
|
23.427 lestir | 60.602 lestir |
Flutt magn sem hlutfall af heildarúthlutun
|
11,6 % | 31,2 % |
Skip sem fluttu frá sér aflahámark*
|
31 | 34 |
Skip sem lönduðu síldarafla
|
49 | 44 |
Heildarafli
|
203.493 lestir | 185.642 lestir |
*Tölur um flutning aflahámarks eru veltutölur. Hafi sama aflahámark verið flutt milli skipa oftar en einu sinni er það talið í hvert sinn sem það er flutt. |
Tafla 2. Ráðstöfun afla íslenskra skipa úr norsk-íslenska síldarstofninum 1995–2000.
Ár |
Landfryst |
Sjófryst |
Saltað |
Til bræðslu |
Selt erlendis |
Innanlandsneysla | Samtals |
1995 | 284 | 0 | 40 | 170.287 | 3.497 | 0 | 174.109 |
1996 | 45 | 19 | 0 | 164.738 | 152 | 3 | 164.957 |
1997 | 0 | 0 | 0 | 216.108 | 3.933 | 0 | 220.041 |
1998 | 276 | 1.797 | 537 | 195.604 | 1.921 | 0 | 200.135 |
1999 | 71 | 183 | 24 | 203.215 | 0 | 0 | 203.493 |
2000 | 1842 | 138 | 0 | 163.419 | 20.243 | 0 | 185.642 |
Tafla 3. Landaður afli íslenskra skipa úr norsk-íslenska síldarstofninum eftir mánuðum 1995–2000, í lestum.
Ár | Maí | Júní | Júlí | Ágúst | September | Október | Samtals |
1995 | 142.342 | 31.767 | 0 | 0 | 0 | 0 | 174.109 |
1996 | 136.434 | 28.504 | 19 | 0 | 0 | 0 | 164.957 |
1997 | 184.719 | 25.522 | 1.836 | 0 | 5.206 | 2.758 | 220.041 |
1998 | 95.274 | 97.337 | 669 | 152 | 2.581 | 4.122 | 200.135 |
1999 | 55.691 | 147.802 | 0 | 0 | 0 | 0 | 203.493 |
2000 | 2.198 | 166.174 | 10.131 | 0 | 7.139 | 0 | 185.642 |