Ferill 335. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 679 — 335. mál.
Svar
sjávarútvegsráðherra við fyrirspurn Guðjóns A. Kristjánssonar um löndun á þorski erlendis sem veiddur var á Íslandsmiðum og stærðarflokkun þorskaflans á árunum 1930–80.
Fyrirspurnin hljóðar svo:
1. Hversu mörgum tonnum af þorski, sem veiddur var eða skráður sem þorskafli á Íslandsmiðum , var landað á árunum 1930–80 í Bretlandi af breskum skipum, sundurliðað eftir árum? Hve mikið af þessum afla var flokkað sem þyrsklingur (,,codling“) í tonnum talið og sem hlutfall af heildarafla þorsks af Íslandsmiðum á áðurnefndu tímabili, sundurliðað eftir árum?
2. Hve miklu var landað af íslenskum skipum á sömu árum í Bretlandi eða öðrum löndum, sundurliðað eftir stærðarflokkum og árum?
3. Hversu mikill var þorskafli annarra þjóða en Breta og Íslendinga á tímabilinu, sundurliðað eftir árum?
4. Er til sundurliðun um stærðarsamsetningu þorsks í skráðum heimildum um þorskafla annarra þjóða en Breta og Íslendinga og ef svo er, hvernig er stærðarsamsetning aflans og um hvaða stærðarviðmið er að ræða? Er til stærðarflokkur sambærilegur við þyrskling („codling“) sem seldur var í Bretlandi á áðurnefndu tímabili og ef svo er, hvert er magn hans í tonnum og hlutfall af heildarþorskafla?
5. Hversu miklu var landað af þorski til fiskmjölsframleiðslu hérlendis á áðurnefndu tímabili, sundurliðað eftir árum og veiðarfærum?
6. Hvar var aflinn veiddur og á hvaða höfnum eða hjá hvaða fiskimjölsverksmiðjum var landað?
1. Upplýsingar um afla Breta á Íslandsmiðum á árunum 1930–80 er að finna í töflu 1. Þar koma einnig fram upplýsingar um hlut Íslendinga í heildarþorskafla á Íslandsmiðum, svo og hlut annarra þjóða en Breta. Taflan var unnin hjá Hafrannsóknastofnuninni og eru tölurnar fengnar úr skýrslum Alþjóðahafrannsóknaráðsins (ICES). Samkvæmt upplýsingum frá Hafrannsóknastofnuninni og Fiskifélaginu virðast ekki vera til upplýsingar um stærðarflokkun þorskafla. Bretar gefa árlega út eigin aflatölur og þar er afli af heimamiðum aðgreindur eftir stærðarflokkum (large, medium, small, unsorted) en afli af fjarlægum miðum er ekki stærðarskiptur.
| Tafla 1. Þorskafli á Íslandsmiðum 1930–1980 (þús. tonn). | ||||||||||
| Ár | Íslendingar | Bretar | Aðrir | Alls | Ár | Íslendingar | Bretar | Aðrir | Alls | |
| 1930 | 306.994 | 119.120 | 113.400 | 539.514 | 1960 | 295.668 | 109.414 | 59.941 | 465.023 | |
| 1931 | 263.792 | 140.898 | 124.380 | 529.070 | 1961 | 233.874 | 96.539 | 44.503 | 374.916 | |
| 1932 | 242.703 | 164.837 | 134.457 | 541.997 | 1962 | 221.820 | 105.144 | 59.912 | 386.876 | |
| 1933 | 288.606 | 157.639 | 137.962 | 584.207 | 1963 | 232.839 | 123.185 | 54.026 | 410.050 | |
| 1934 | 263.925 | 145.597 | 94.789 | 504.311 | 1964 | 273.584 | 122.207 | 37.814 | 433.605 | |
| 1935 | 214.041 | 153.444 | 92.450 | 459.935 | 1965 | 233.483 | 128.136 | 32.722 | 394.341 | |
| 1936 | 120.799 | 140.639 | 70.325 | 331.763 | 1966 | 223.974 | 109.038 | 24.385 | 357.397 | |
| 1937 | 127.946 | 144.312 | 72.304 | 344.562 | 1967 | 193.449 | 126.566 | 25.439 | 345.454 | |
| 1938 | 134.371 | 128.160 | 79.686 | 342.217 | 1968 | 227.594 | 111.571 | 42.790 | 381.955 | |
| 1939 | 142.485 | 115.000 | 51.964 | 309.449 | 1969 | 281.680 | 95.386 | 29.858 | 406.924 | |
| 1940 | 153.486 | 0 | 15.729 | 169.215 | 1970 | 302.875 | 125.235 | 43.783 | 471.893 | |
| 1941 | 162.751 | 0 | 17.334 | 180.085 | 1971 | 250.325 | 157.717 | 46.017 | 454.059 | |
| 1942 | 187.274 | 0 | 17.275 | 204.549 | 1972 | 225.354 | 144.207 | 29.635 | 399.196 | |
| 1943 | 202.063 | 0 | 17.073 | 219.136 | 1973 | 235.184 | 121.320 | 23.381 | 379.885 | |
| 1944 | 223.490 | 0 | 18.737 | 242.227 | 1974 | 238.282 | 115.465 | 21.240 | 374.987 | |
| 1945 | 221.611 | 0 | 18.198 | 239.809 | 1975 | 264.975 | 90.993 | 15.023 | 370.991 | |
| 1946 | 210.325 | 36.846 | 29.476 | 276.647 | 1976 | 280.832 | 53.534 | 13.997 | 348.363 | |
| 1947 | 217.494 | 52.369 | 35.398 | 305.261 | 1977 | 329.676 | 0 | 10.375 | 340.051 | |
| 1948 | 195.319 | 90.702 | 37.517 | 323.538 | 1978 | 319.648 | 0 | 8.572 | 328.220 | |
| 1949 | 221.419 | 91.125 | 51.423 | 363.967 | 1979 | 360.080 | 0 | 7.936 | 368.016 | |
| 1950 | 197.433 | 108.901 | 57.621 | 363.955 | 1980 | 429.044 | 0 | 6.000 | 435.044 | |
| 1951 | 183.252 | 103.485 | 59.945 | 346.682 | ||||||
| 1952 | 237.314 | 94.568 | 68.061 | 399.943 | ||||||
| 1953 | 263.516 | 173.798 | 88.576 | 525.890 | ||||||
| 1954 | 306.191 | 165.694 | 75.645 | 547.530 | ||||||
| 1955 | 315.438 | 138.705 | 83.987 | 538.130 | ||||||
| 1956 | 292.586 | 127.786 | 60.337 | 480.709 | ||||||
| 1957 | 247.087 | 144.265 | 60.557 | 451.909 | ||||||
| 1958 | 284.407 | 150.517 | 73.759 | 508.683 | ||||||
| 1959 | 284.259 | 112.740 | 55.505 | 452.504 | ||||||
2. Upplýsingar um þorskafla íslenskra skipa sem landað var í Bretlandi eru til frá árinu 1965 og eru þær fengnar frá Fiskifélaginu. Fyrir árabilið 1930–64 eru til tölur um heildarmagn og heildarverðmæti landaðs afla í Bretlandi, en þær tölur eru ekki alltaf sundurliðaðar eftir tegundum.
Löndun á þorski í Bretlandi af enskum skipum.
| Ár | Tonn |
| 1965 | 11.391 |
| 1966 | 7.874 |
| 1967 | 7.494 |
| 1968 | 7.442 |
| 1969 | 7.217 |
| 1970 | 7.918 |
| 1971 | 5.848 |
| 1972 | 4.811 |
| 1973 | 182 |
| 1974 | 3.365 |
| 1975 | 1.664 |
| 1976 | 1.207 |
| 1977 | |
| 1978 | 10.577 |
| 1979 | 17.399 |
| 1980 | 19.371 |
3. Tölur um þorskafla annarra þjóða en Breta og Íslendinga koma fram í töflu 1.
4. Ekki tókst að afla upplýsinga um stærðarflokkun þorskafla en samkvæmt upplýsingum frá Hafrannsóknastofnuninni er ekki vitað um skráðar heimildir um sundurliðun aflans eftir stærðarflokkum. Á vinnunefndarfundum ICES á sjöunda og áttunda áratugnum, þar sem fjallað var um ástand þorskstofnsins við Ísland, lögðu Bretar og Þjóðverjar fram gögn um aldursdreifingu þorsks í afla þeirra á Íslandsmiðum fyrir árin 1955–76. Þessar tölur hafa þó aldrei verið birtar í skýrslum ráðsins. Fiskifélagið á ekki til gögn varðandi þennan lið.
5. Upplýsingar um þorskafla sem ráðstafað var til bræðslu eru til fyrir hvert ár hjá Fiskifélaginu frá árinu 1965 en ekki er hægt að tengja upplýsingar um þann afla sem fór í bræðslu við tegund veiðarfæra sem hann var veiddur með. Í töflu 2 er þorskafla árin 1965–80, sem ráðstafað var til bræðslu, skipt eftir landshlutum.
| Tafla 2. Þorskafli 1965–1980 í tonnum — ráðstafað í bræðslu, skipt eftir landshlutum. | ||||||||
| Ár | Suðurland | Reykjanes | Vesturland | Vestfirðir | Norðurland vestra | Norðurland eystra | Austurland | Allt landið |
| 1965 | 6 | 19 | 35 | 10 | 2 | 5 | 31 | 109 |
| 1966 | 12 | 8 | 36 | 21 | 77 | |||
| 1967 | 13 | 30 | 76 | 24 | 13 | 22 | 179 | |
| 1968 | 84 | 14 | 11 | 47 | 22 | 184 | 56 | 418 |
| 1969 | 354 | 588 | 47 | 122 | 5 | 116 | 136 | 1.368 |
| 1970 | 8 | 8 | 168 | 52 | 88 | 323 | ||
| 1971 | 23 | 5 | 8 | 7 | 7 | 50 | ||
| 1972 | 19 | 12 | 120 | 1 | 7 | 15 | 17 | 189 |
| 1973 | 3 | 219 | 23 | 11 | 1 | 53 | 3 | 313 |
| 1974 | 17 | 37 | 5 | 14 | 27 | 44 | 33 | 178 |
| 1975 | 7 | 4 | 43 | 2 | 24 | 23 | 1 | 102 |
| 1976 | 4 | 5 | 8 | 6 | 13 | 8 | 0 | 45 |
| 1977 | 7 | 1 | 5 | 2 | 39 | 2 | 57 | |
| 1978 | 3 | 10 | 4 | 14 | 14 | 87 | 10 | 143 |
| 1979 | 2 | 7 | 1 | 2 | 5 | 5 | 3 | 25 |
| 1980 | 11 | 204 | 0 | 2 | 1 | 48 | 266 | |
6. Ekki er unnt að fá upplýsingar um hvar sá afli var veiddur sem fór í bræðslu. Í töflu 2 kemur aftur á móti fram í hvaða landshluta þorskaflinn var unninn.
