Ferill 358. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 714 — 358. mál.
Svar
samgönguráðherra við fyrirspurn Einars K. Guðfinnssonar um einbreiðar brýr.
1. Hvaða einbreiðu brýr hafa verið breikkaðar ár hvert frá 1998 og hver hefur heildarkostnaðurinn verið á ári á núgildandi verðlagi?
Hér á eftir er yfirlit yfir einbreiðar brýr sem hafa verið aflagðar eða rifnar og í stað þeirra komið brýr með tveimur akreinum eða sett stálræsi í viðkomandi vatnsfall. Fjárveitingar eru af ýmsum toga, nýframkvæmdir vega, sérstakar fjárveitingar til breikkunar eða endurnýjunar brúa, fjárveitingar til smábrúa og viðhaldsfjárveitingar, þar sem hagkvæmara hefur þótt að endurnýja brýr en gera við. Þá hefur fjárveiting til öryggisaðgerða að hluta til verið notuð í þessu skyni.
Kostnaðartölur eru ekki nákvæmar, sérstaklega þar sem einbreiðar brýr eru endurnýjaðar með stálrörum og eru hluti af nýbyggingu vega.
Á árinu 1998 voru eftirtaldar 27 brýr endurnýjaðar eða breikkaðar:
| Vegur | Kafli | Vegheiti | Brúarheiti |
| 1 | b6 | Hringvegur | Bakkakotsá |
| 1 | b7 | Hringvegur | Holtsá undir Eyjafjöllum |
| 1 | b7 | Hringvegur | Svaðbælisá |
| 1 | s6 | Hringvegur | Víðidalsá hjá Ármótaseli |
| 1 | u5 | Hringvegur | Fossá í Berufirði |
| 1 | v9 | Hringvegur | Brunnhólsá |
| 1 | v9 | Hringvegur | Lambleiksstaðakíll |
| 1 | y1 | Hringvegur | Gígjukvísl |
| 37 | 04 | Laugarvatnsvegur | Andalækur |
| 54 | 06 | Snæfellsnesvegur | Laxá í Miklholtshreppi |
| 54 | 15 | Snæfellsnesvegur | Berserkseyrará |
| 61 | 07 | Djúpvegur | Ennisá |
| 61 | 29 | Djúpvegur | Hjarðardalsá |
| 62 | 02 | Barðastrandarvegur | Vaðalsá |
| 62 | 03 | Barðastrandarvegur | Arnarbýlisá |
| 62 | 03 | Barðastrandarvegur | Hagaá |
| 76 | 07 | Siglufjarðarvegur | Hrolleifsdalsá |
| 96 | 07 | Suðurfjarðavegur | Selá |
| 268 | 03 | Þingskálavegur | Hraunteigslækur |
| 272 | 01 | Bjallavegur | Bjallalækur |
| 286 | 01 | Hagabraut | Steinslækur í Holtum |
| 574 | 01 | Útnesvegur | Hamraendalækur |
| 643 | 06 | Strandavegur | Kleifá (Kleifaá) |
| 643 | 06 | Strandavegur | Seljá |
| 923 | 01 | Jökuldalsvegur | Hnjúksá á Jökuldal |
| 2530 | 01 | Skeggjastaðavegur | Skurður við Skeggjastaði |
| 9367 | 01 | Tunguhagavegur | Tunguhagalækur |
Heildarkostnaður vegna breikkana og endurbyggingar brúa og ræsa í stað einbreiðra brúa árið 1998 er áætlaður um 670 m.kr. Stærsta einstaka verkefnið á árinu 1998 var endurbygging brúar á Gígjukvísl á Skeiðarársandi og nam kostnaður við það um 415 m.kr.
Á árinu 1999 voru eftirtaldar 17 brýr endurnýjaðar eða breikkaðar:
| Vegur | Kafli | Vegheiti | Brúarheiti |
| 1 | b4 | Hringvegur | Deildará |
| 1 | b5 | Hringvegur | Hólsá á Sólheimasandi |
| 1 | b6 | Hringvegur | Kaldaklifsá |
| 1 | v0 | Hringvegur | Þvottá |
| 1 | v2 | Hringvegur | Víkurá |
| 50 | 03 | Borgarfjarðarbraut | Geirsá |
| 50 | 03 | Borgarfjarðarbraut | Flókadalsá |
| 54 | 11 | Snæfellsnesvegur | Búlandsgil |
| 54 | 11 | Snæfellsnesvegur | Tunguós |
| 60 | 43 | Vestfjarðavegur | Gemlufallsá |
| 61 | 21 | Djúpvegur | Ósá |
| 62 | 01 | Barðastrandarvegur | Þverá í Vatnsfirði |
| 92 | 07 | Norðfjarðarvegur | Eskifjarðará |
| 643 | 05 | Strandavegur | Fossá |
| 643 | 06 | Strandavegur | Húsaá I |
| 643 | 06 | Strandavegur | Kraká |
| 748 | 01 | Reykjastrandarvegur | Fagranesá |
Heildarkostnaður vegna breikkana og endurbyggingar brúa og ræsa í stað einbreiðra brúa árið 1999 er áætlaður um 200 m.kr.
Á árinu 2000 voru eftirtaldar 29 brýr endurnýjaðar eða breikkaðar:
| Vegur | Kafli | Vegheiti | Brúarheiti |
| 1 | a4 | Hringvegur | Hörgsá |
| 1 | b2 | Hringvegur | Kerlingardalsá |
| 1 | b4 | Hringvegur | Hvammsá í Mýrdal |
| 1 | b6 | Hringvegur | Skógá |
| 1 | k6 | Hringvegur | Víðidalsá |
| 1 | q8 | Hringvegur | Seljadalsá |
| 1 | s7 | Hringvegur | Fremsta-Rjúkandi |
| 1 | s7 | Hringvegur | Garðá hjá Skjöldólfsstöðum |
| 1 | s7 | Hringvegur | Sauðá |
| 1 | s8 | Hringvegur | Staðará á Jökuldal |
| 1 | t5 | Hringvegur | Víná |
| 1 | t7 | Hringvegur | Forviðará |
| 50 | 03 | Borgarfjarðarbraut | Grímsá |
| 54 | 09 | Snæfellsnesvegur | Bjarnafossgil |
| 54 | 09 | Snæfellsnesvegur | Hraunhafnará |
| 60 | 02 | Vestfjarðavegur | Austurá |
| 60 | 31 | Vestfjarðavegur | Þverá í Vattarfirði |
| 61 | 26 | Djúpvegur | Álftagrófará |
| 61 | 26 | Djúpvegur | Gervidalsá |
| 74 | 02 | Skagastrandarvegur | Hafursstaðaá |
| 74 | 02 | Skagastrandarvegur | Hallá |
| 74 | 02 | Skagastrandarvegur | Hrafná |
| 76 | 04 | Siglufjarðarvegur | Grafará |
| Vegur | Kafli | Vegheiti | Brúarheiti |
| 83 | 02 | Grenivíkurvegur | Fnjóská hjá Laufási |
| 85 | 13 | Norðausturvegur | Stórilækur |
| 507 | 01 | Mófellsstaðavegur | Hreppsgil |
| 360 | 03 | Grafningsvegur efri | Torfdalslækur |
| 2420 | 01 | Skógavegur | Kverná hjá Skógum |
| 5784 | 01 | Stóra-Langadalsvegur | Skurður hjá Stóra-Langadal |
Heildarkostnaður vegna breikkana og endurbyggingar brúa og ræsa í stað einbreiðra brúa árið 2000 er áætlaður um 580 m.kr. Stærstu einstöku verkefnin á árinu 2000 voru endurbygging brúa á Fnjóská hjá Laufási og Grímsá í Borgarfirði, en kostnaður við þau nam um 240 m.kr. Við opnun á nýrri leið yfir Möðrudalsöræfi, Háreksstaðaleið, lögðust af 3 einbreiðar brýr á Hringvegi en þær munu áfram gegna hlutverki á landsvegi að sumri til og eru því ekki taldar með hér.
2. Hvaða einbreiðu brýr verða breikkaðar á tímabili gildandi vegáætlunar og hver verður heildarkostnaður ár hvert á núgildandi verðlagi?
Á árunum 2001–2004, eða til loka núgildandi vegáætlunar, er gert ráð fyrir að eftirtaldar 56 einbreiðar brýr verði endurnýjaðar eða vegum breytt.
| Vegur | Kafli | Vegheiti | Brúarheiti |
| 1 | a2 | Hringvegur | Djúpá í Fljótshverfi |
| 1 | a2 | Hringvegur | Laxá í Fljótshverfi |
| 1 | a2 | Hringvegur | Brúará í Fljótshverfi |
| 1 | a6 | Hringvegur | Skaftá |
| 1 | b5 | Hringvegur | Klifandi |
| 1 | c0 | Hringvegur | Þverá |
| 1 | c8 | Hringvegur | Þjórsá |
| 1 | h4 | Hringvegur | Norðurá í Heiðarsporði |
| 1 | k1 | Hringvegur | Síká |
| 1 | k8 | Hringvegur | Gljúfurá |
| 1 | k8 | Hringvegur | Vatnsdalsá |
| 1 | q6 | Hringvegur | Hrúteyjarkvísl |
| 1 | q8 | Hringvegur | Reykjadalsá |
| 1 | s1 | Hringvegur | Víðidalsá í Víðidal |
| 1 | s2 | Hringvegur | Skarðsá á Fjöllum |
| 1 | s4 | Hringvegur | Langadalsá |
| 1 | u5 | Hringvegur | Berufjarðará |
| 1 | x0 | Hringvegur | Hólmsá á Mýrum |
| 1 | x0 | Hringvegur | Smyrlabjargaá |
| 1 | x1 | Hringvegur | Uppsalaá |
| 32 | 01 | Þjórsárdalsvegur | Kálfá |
| 35 | 04 | Biskupstungnabraut | Brúará |
| 35 | 08 | Hringvegur | Laugaá |
| 37 | 03 | Laugarvatnsvegur | Brúará |
| 54 | 15 | Snæfellsnesvegur | Hrafná |
| 54 | 15 | Snæfellsnesvegur | Slýá |
| 54 | 02 | Snæfellsnesvegur | Langá á Mýrum |
| 54 | 02 | Snæfellsnesvegur | Urriðaá |
| 54 | 03 | Snæfellsnesvegur | Hítará |
| 54 | 04 | Snæfellsnesvegur | Kaldá |
| 54 | 05 | Snæfellsnesvegur | Núpá |
| Vegur | Kafli | Vegheiti | Brúarheiti |
| 54 | 08 | Snæfellsnesvegur | Staðará |
| 60 | 01 | Vestfjarðavegur | Skútagil |
| 60 | 01 | Vestfjarðavegur | Bjarnardalsá |
| 60 | 01 | Vestfjarðavegur | Miðdalsgil |
| 61 | 26 | Djúpvegur | Múlaá |
| 61 | 26 | Djúpvegur | Ísafjarðará |
| 61 | 31 | Djúpvegur | Hvalskurðarós |
| 61 | 33 | Djúpvegur | Rjúkandi |
| 61 | 45 | Djúpvegur | Ósá í Bolungarvík |
| 76 | 04 | Siglufjarðarvegur | Hofsá |
| 85 | 03 | Norðausturvegur | Laxá í Aðaldal |
| 85 | 24 | Norðausturvegur | Svalbarðsá |
| 85 | 43 | Norðausturvegur | Hölkná |
| 85 | 44 | Norðausturvegur | Langadalsá |
| 92 | 10 | Norðfjarðarvegur | Norðfjarðará |
| 93 | 01 | Seyðisfjarðarvegur | Eyvindará |
| 408 | 01 | Heiðmerkurvegur | Elliðavatnsós |
| 744 | 02 | Þverárfjallsvegur | Laxá á Þverárfjallsvegi |
| 806 | 01 | Tunguvegur | Svarfaðardalsá |
| 807 | 01 | Skíðadalsvegur | Hofsá |
| 807 | 01 | Skíðadalsvegur | Skíðadalsá |
| 917 | 01 | Hlíðarvegur | Laxá hjá Fossvöllum |
| 931 | 04 | Upphéraðsvegur | Hengifossá |
| 931 | 04 | Upphéraðsvegur | Kvísl úr Bessastaðaá |
| 931 | 04 | Upphéraðsvegur | Bessastaðaá |
| 931 | 05 | Upphéraðsvegur | Gilsá |
Áætlaður kostnaður við endurbyggingu og/eða breikkun einbreiðra brúa er eftirfarandi:
| Árið | 2001 | 1.000 m.kr. |
| Árið | 2002 | 700 m.kr. |
| Árið | 2003 | 400 m.kr. |
| Árið | 2004 | 350 m.kr. |
Brýr sem taldar eru hér að framan eru fjármagnaðar af nýbyggingum brúa og vega. Ekki liggja enn fyrir viðhaldsáætlanir eða áætlanir um smábrýr fyrir tímabilið. Búast má því við að listinn lengist nokkuð í raun.
3. Hvað má áætla að margar einbreiðar brýr, þar sem umferð er meiri en 400 bílar á dag, verði enn í notkun að loknu gildandi vegáætlunartímabili?
Að loknu tímabili núgildandi vegáætlunar er gert ráð fyrir að í notkun verði 15 brýr, þar sem ársdagsumferð er meiri en 400 bílar á dag.
