Ferill 623. máls. Aðrar útgáfur af skjalinu: Word Perfect.
126. löggjafarþing 2000–2001.
Þskj. 1266 — 623. mál.
Breytingartillaga
við frv. til l. um breyt. á l. um húsnæðismál, nr. 44/1998.
Frá Ástu Ragnheiði Jóhannesdóttur og Guðrúnu Ögmundsdóttur.
Við bætist ný grein er verði 1. gr. og orðist svo:
Eftirfarandi breytingar verða á 36. gr. laganna:
1. 2. mgr. orðast svo:
Lán til leiguíbúða mega nema allt að 95% af byggingarkostnaði eða kaupverði íbúðar, þó aldrei meira en 95% af þeim kostnaðargrundvelli af lánveitingu sem stjórn Íbúðalánasjóðs hefur samþykkt.
2. Við 4. mgr. bætast tveir nýir málsliðir, svohljóðandi: Vaxtaendurgreiðslur og/eða stofnstyrkir, svo og húsaleigubætur, sbr. lög nr. 138/1997, tryggi að leigukjör fari ekki yfir 6% af stofnverði íbúðar. Félagsmálaráðherra setur nánari reglur um framkvæmd 4. málsl. að fenginni umsögn Sambands íslenskra sveitarfélaga.