Ferill 585. máls. Aðrar útgáfur af skjalinu: Word Perfect.
126. löggjafarþing 2000–2001.
Þskj. 1398 — 585. mál.
Svar
fjármálaráðherra við fyrirspurn Lúðvíks Bergvinssonar um kostnað við Borgartún 21.
1. Hver er heildarkostnaður ríkissjóðs við flutning ýmissa ríkisstofnana og fyrirtækja í eigu ríkisins í Borgartún 21, sundurliðaður eftir fyrirtækjum og stofnunum? Óskað er eftir að fram komi allur annar kostnaður en leigugreiðslur.
Í fyrri töflunni hér á eftir kemur fram viðbótarkostnaður sem greiddur var verktaka hússins fyrir aðlögun húsnæðisins að þörfum einstaka stofnana og fyrirtækja, en hann nam um 197 millj. kr. Húsnæðið sem hefur verið tekið á leigu er að flatarmáli um 9.078 m 2, þannig að aðlögunarkostnaður sem greiddur var verktaka nam um 21.700 kr. á hvern m 2 húsnæðis.
Í næstu töflu er að finna yfirlit yfir annan kostnað sem stofnanir hafa greitt í tengslum við flutninginn samkvæmt upplýsingum frá viðkomandi stofnun. Þar er um að ræða kostnað við húsgögn, tölvu- og símalagnir, lausar innréttingar, flutning, búnað o.fl. eftir ákvörðun þeirra. Alls nemur sá kostnaður um 115 millj. kr.
Aðlögunarkostnaður vegna Borgartúns 21.
Þús. kr. |
|
Íbúðalánasjóður | |
Milliveggir og innréttingar | 3.423 |
Loftræsting | 9.422 |
Sérkerfi | 9.142 |
Sameignarkostnaður | 6.840 |
Breytingar á húsnæði | 4.520 |
Samtals | 33.349 |
Löggildingarstofa | |
Milliveggir og innréttingar | 4.665 |
Loftræsting | 6.244 |
Sérkerfi | 3.269 |
Sameignarkostnaður | 3.235 |
Breytingar á húsnæði | 4.339 |
Loftræstistokkur í kjallara | 720 |
Samtals | 22.474 |
Yfirskattanefnd | |
Milliveggir og innréttingar | 11.168 |
Loftræsting | 13.579 |
Loftræsting samkvæmt lýsingu | -1.292 |
Sérkerfi | 2.967 |
Sameignarkostnaður | 2.323 |
Flísalögn á gólf | 102 |
Samtals | 28.848 |
Fasteignamat ríkisins | |
Milliveggir og innréttingar | 7.916 |
Loftræsting | 13.468 |
Sérkerfi | 6.589 |
Sameignarkostnaður | 3.725 |
Samtals | 31.700 |
Barnaverndarstofa | |
Milliveggir og innréttingar | 6.783 |
Loftræsting | 4.390 |
Sérkerfi | 1.941 |
Sameignarkostnaður | 1.534 |
Samtals | 14.650 |
Ríkissáttasemjari | |
Milliveggir og innréttingar | 11.189 |
Loftræsting | 10.495 |
Sérkerfi | 4.244 |
Sameignarkostnaður | 2.925 |
Aðstaða í kjallara | 300 |
Þakgluggar | 320 |
Samtals | 29.475 |
Lánasjóður íslenskra námsmanna | |
Milliveggir og innréttingar | 14.453 |
Loftræsting | 6.936 |
Sérkerfi | 2.953 |
Sameignarkostnaður | 2.643 |
Breyting á húsnæði | 2.920 |
Loft og gólffrágangur í kjallara | 1.150 |
Raflagnir í lýsing í kjallara | 1.155 |
Samtals | 32.211 |
Geymslur | |
Milliveggir og hurðir | 3.978 |
Sameignarkostnaður | 707 |
Samtals | 4.685 |
Sameign | |
Sólstoppgler | 5.780 |
Húsvarsla | 500 |
Veggir í kjallara o.fl. í sameign | 10.416 |
Breytingar á verkfræðihönnun | 1.173 |
Breytingar á lögnum o.fl. | 368 |
Breytingar á byggingarnefnd o.fl. | 3.736 |
Skilti á lóð, fánastangir o.fl. | 1.397 |
Annað og ófyrirséð | 314 |
Samtals* | 23.685 |
Samtals allar stofnanirnar | 197.396 |
* Fjárhæðin deilist á hverja stofnun fyrir sig undir liðnum „Sameignarkostnaður“ |
Flutningskostnaður stofnana ríkisins í Borgartúni 21.
Þús. kr. | |
Barnaverndarstofa | |
Innréttingar | 3.157 |
Húsgögn | 2.084 |
Búnaður í sameign (hlutdeild) | 583 |
Síma- og fjarskiptabúnaður | 843 |
Gluggatjöld | 375 |
Blóm og garðyrkjuvörur | 408 |
Sérfræðiþjónusta | 122 |
Sendibifreiðar | 191 |
Ræsting, áhöld og tæki | 367 |
Samtals | 8.130 |
Fasteignamat ríkisins | |
Húsgögn | 12.701 |
Annar búnaður | 3.961 |
Búnaður í sameign (hlutdeild) | 1.532 |
Skjalageymslur | 5.683 |
Flutningur | 1.130 |
Lagnir | 1.970 |
Tæknibúnaður og sérfræðiþjónusta | 5.793 |
Ýmislegt | 234 |
Endurgreiddur virðisaukaskattur | -135 |
Samtals | 32.869 |
Íbúðalánasjóður | |
Búnaður og innréttingar | 21.740 |
Búnaður í sameign (hlutdeild) | 2.762 |
Tölvu- og símalagnir | 4.626 |
Sérfræðiþjónusta, þ.m.t. hönnun | 2.467 |
Annað | 1.159 |
Akstur | 1.104 |
Þrif | 360 |
Samtals | 34.218 |
Lánasjóður íslenskra námsmanna | |
Hönnunarkostnaður | 1.050 |
Flutningskostnaður | 799 |
Búnaður í sameign (hlutdeild) | 1.046 |
Búnaður: | |
Húsgögn og eldhústæki | 1.474 |
Skjalaskápar | 2.912 |
Tölvu- og símalagnir | 3.421 |
Gluggatjöld | 441 |
Gólfbón | 363 |
Seldar innréttingar | -4.500 |
Samtals | 7.006 |
Löggildingarstofa | |
Húsgögn og innréttingar | 6.340 |
Búnaður í sameign (hlutdeild) | 1.378 |
Fjarskiptabúnaður | 2.233 |
Hugbúnaðargerð | 3.618 |
Gardínur | 501 |
Sérfræðiþjónusta | 2.953 |
Auglýsingar og prentun bréfsefna | 823 |
Sendibílar | 464 |
Tölvubúnaður | 2.944 |
Önnur smáverk | 162 |
Samtals | 21.416 |
Ríkissáttasemjari | |
Húsgögn og annar búnaður | 1.438 |
Búnaður í sameign (hlutdeild) | 1.255 |
Gluggatjöld | 641 |
Símkerfi | 1.021 |
Hönnun | 290 |
Flutningskostnaður | 400 |
Samtals | 5.045 |
Yfirskattanefnd | |
Hönnunarkostnaður | 1.266 |
Búnaður í sameign (hlutdeild) | 964 |
Flutningskostnaður | 401 |
Símstöð | 1.188 |
Skjalaskápar á hjólum | 1.051 |
Tölvutengiskápur, lagnir og tengikostnaður | 905 |
Sóltjöld og gluggatjöld | 588 |
Annar búnaður | 264 |
Samtals | 6.627 |
2. Hvernig kom ríkissjóður að byggingu hússins? Var gerður samningur um nýtingu hússins áður en smíði þess hófst eða kom hann til síðar? Hafi hann verið gerður í upphafi, hvernig hefur greiðslum verið háttað hingað til og hversu háar eru þær?
Á Þorláksmessu árið 1998 skrifaði fjármálaráðuneytið undir viljayfirlýsingu þess efnis að leigja 2.–5. hæð óbyggðs húss við Borgartún 21. Um var að ræða 4.600 m 2 skrifstofuhúsnæði ásamt um 1000 m 2 í kjallara. Húsaleigusamningur um eignina var í framhaldinu undirritaður af leigusala eignarinnar og Fasteignum ríkissjóðs og staðfestur af ráðuneytinu hinn 30. mars 1999. Ákveðið var að Fasteignir ríkissjóðs tækju eignina á leigu og framleigðu hana til notenda.
Þegar viljayfirlýsingin var undirrituð hafði um skeið verið unnið að því að leysa húsnæðismál nokkurra stofnana ríkisins og má þar nefna embætti ríkissáttasemjara, Fasteignamat ríkisins, Löggildingarstofu, ríkislögreglustjóra og yfirskattanefnd. Eftir undirritun kom í ljós áhugi á húsnæðinu hjá fleiri stofnunum ríkisins sem höfðu verið að huga að húsnæðismálum sínum. Í maí 1999 ákvað Íbúðalánasjóður að taka á leigu hluta af húsnæðinu, í júlí 1999 Barnaverndarstofa og í október 1999 Lánasjóður íslenskra námsmanna. Vegna þessara ákvarðana voru undirritaðir tveir viðaukasamningar við leigusala. Haustið 1999 var ljóst að allt húsið yrði leigt fyrir stofnanir og ríkisfyrirtæki. Á sama tíma lá fyrir ákvörðun um að leysa húsnæðismál ríkislögreglustjóra með öðrum og hentugri hætti fyrir starfsemi hans.
Í samningunum við leigusala var leiguverð miðað við ákveðnar skilgreindar forsendur sem komu fram í húslýsingum og teikningum. Samkvæmt þeim gögnum var gert ráð fyrir að sameign yrði skilað fullfrágenginni með tveimur lyftum. Að utan yrði húsinu skilað fullfrágengnu með frágenginni lóð og malbikuðum bílastæðum. Að innan var gert ráð fyrir almennu frekar opnu skrifstofurými með sameiginlegu mötuneyti á efstu hæð.
Gert var ráð fyrir að stofnanirnar þyrftu sjálfar að aðlaga hvert rými að eigin þörfum. Ef gera þurfti breytingar á magni innveggja komu þeir veggir sem fylgdu hverju rými samkvæmt leigusamningunum til frádráttar kostnaði stofnunarinnar við innréttinguna. Sama gilti um loftræstingu, hljóðeinangrun og aðra þætti sem nauðsynlegt þótti að breyta við aðlögunina. Það sem átti að fylgja hverju rými samkvæmt samningunum kom þá til frádráttar heildarkostnaði.
Fyrir utan fyrrtalinn kostnað við aðlögunina var í samningunum gert ráð fyrir því að leigjandi kostaði sjálfur tölvulagnir, afgreiðsluborð, ýmis sérkerfi, tækjabúnað í sameiginlegt mötuneyti, sérinnréttingar og sérkröfur vegna þarfa einstakra stofnana.
Kostnaðartölur vegna samninganna koma fram í töflunum hér að framan.
3. Til hve langs tíma eru þeir leigusamningar sem gerðir hafa verið og hversu háar leigugreiðslur innir ríkissjóður af hendi árlega, sundurliðað eftir stofnunum, félögum og fyrirtækjum?
Húsið var afhent til notkunar á tímabilinu febrúar til maí 2000. Öllum samningunum lýkur hins vegar 31. janúar 2020 eða u.þ.b. 20 árum eftir undirritun þeirra. Ríkissjóður hefur auk þess forleigu- og forkaupsrétt að húsnæðinu.
Þegar samningar voru undirritaður við leigusala var leigufjárhæðin 950 kr. á m 2 fyrir skrifstofuhúsnæði á fjórum hæðum hússins (2.–5. hæð). Á jarðhæð var leigufjárhæð 1.250 kr. Ekki reiknast virðisaukaskattur ofan á fjárhæðina. Leigufjárhæðir eru bundnar vísitölu neysluverðs.
Samkvæmt upplýsingum frá Fasteignum ríkissjóðs var húsaleiga fyrir febrúar 2001 9.975 þús. kr. og sundurliðast hún með eftirfarandi hætti:
Leigjandi |
Leiga á mánuði |
Fermetrar með sameign |
Leiga á ári |
Ríkissáttasemjari
|
1.216.000 | 1.163 | 14.592.000 |
Fasteignamat ríkisins
|
1.500.000 | 1.436 | 18.000.000 |
Barnaverndarstofa
|
570.000 | 545 | 6.840.000 |
Löggildingarstofa
|
1.543.000 | 1.476 | 18.516.000 |
Yfirskattanefnd
|
950.000 | 910 | 11.400.000 |
Íbúðalánasjóður
|
2.996.000 | 2.569 | 35.952.000 |
LÍN
|
1.200.000 | 976 | 14.400.000 |
Samtals
|
9.975.000 | 119.700.000 |
Löggildingarstofa endurleigir utanaðkomandi aðila um 150 m 2 og kemur sú fjárhæð til frádráttar framangreindum leigugreiðslum. Auk þess hafa stofnanirnar tekið á leigu 46 bílastæði umfram þau sem fylgdu húsinu og greiða þær um 366.000 kr. fyrir þau á mánuði.