Ferill 223. máls. Aðrar útgáfur af skjalinu: Word Perfect.
126. löggjafarþing 2000–2001.
Þskj. 1474 — 223. mál.
Breytingartillögur
við frv. til þjóðminjalaga.
Frá Kolbrúnu Halldórsdóttur.
1. Við 5. gr.
a. Á eftir orðinu „rannsaka“ í 1. mgr. komi: fornleifar og aðrar.
b. Síðari málsliður 1. mgr. orðist svo: Til slíkra minja geta einnig talist hús sem hafa sérstakt gildi og hafa verið tekin á skrá húsasafns Þjóðminjasafns Íslands.
c. Fyrri málsliður 4. mgr. orðist svo: Í Þjóðminjasafni Íslands skulu varðveittir aflagðir kirkjugripir og þeir gripir sem þjóðminjavörður, Fornleifavernd ríkisins og forráðamenn kirkna eru sammála um að eigi sé ástæða til að hafa í kirkju lengur.
2. Við 8. gr. bætist ný málsgrein, svohljóðandi:
Minjaverðir skulu sinna málefnum húsaverndar í samvinnu við Húsafriðun ríkisins.
3. Við 9. gr. Í stað orðsins „búsetulandslag“ í a-lið 1. mgr. komi: menningarlandslag.
4. Við 11. gr.
a. Við 1. mgr. bætist nýr málsliður, svohljóðandi: Leita skal umsagnar Fornleifaverndar ríkisins við úrskurði um mat á umhverfisáhrifum.
b. Í stað 2. mgr. komi tvær málsgreinar, svohljóðandi:
Skylt er að fornleifaskráning fari fram áður en gengið er frá svæðisskipulagi, aðalskipulagi eða deiliskipulagi eða endurskoðun þess sem hér segir:
a. Svæðisskipulag: Skrá er gerð yfir heimildir um fornleifar á svæðinu og þau minjasvæði tilgreind sérstaklega sem kanna þarf frekar út frá heimildum.
b. Aðalskipulag: Gerð er yfirlitsskráning á fornleifum með vettvangskönnun og minjar staðsettar með GPS-tæki. Ef þess er óskað er gerð ítarlegri fornleifaskráning á svæðinu í heild eða afmörkuðum hlutum þess ef kostur er. Minjar verði staðsettar á stafrænum kortagrunni ásamt lágmarksupplýsingum um tegund, landareign, minjagildi og þess háttar.
c. Deiliskipulag: Gerð er ítarleg fornleifaskráning og skýrsla gefin út að skráningu lokinni þar sem uppmæling, teikning og nánari lýsing fylgir hverri rúst.
Skal sá sem ber ábyrgð á skipulagsgerð í samræmi við skipulagslög standa straum af kostnaði við skráninguna.
5. Við 15. gr. 5. mgr. falli brott.
6. Við 20. gr. Í stað orðanna „Forstöðumaður Fornleifaverndar ákveður í samráði við Þjóðminjavörð“ í 1. mgr. komi: Þjóðminjavörður ákveður.
7. Við 22. gr. Greinin orðist svo:
Þjóðminjavörður heldur skrá skv. 20. gr. og Fornleifavernd ríkisins skv. 21. gr. og skulu þær látnar í té sóknarprestum, próföstum og sóknarnefndum sem hlut eiga að máli.