![](http://www.althingi.is/myndir/althlit.gif)
Ragnheiður Hákonardóttir:
Herra forseti. Ég vil koma inn í þessa umræðu og þá fyrirspurn sem hér liggur fyrir og vil ítreka að það velur sér enginn heilsubrest og því síður að þurfa vegna heilsufars lífsnauðsynlega að vera á lyfjum.
Hér hafa verið nefnd lyf eins og thyroxin-natrium sem skjaldkirtilssjúklingar eru mjög háðir sem öðrum. Það er lífsnauðsynlegt fyrir fólk að hafa þau lyf til daglegra nota. Ekkert kemur í staðinn.
Ég lít svo á, hæstv. ráðherra, að allir þeir sem við slíkar aðstæður búa hljóti að hafa frekari aðgang að þessum lyfjum og í rauninni ætti þau að vera frí. Það kæmi heilbrigðiskerfinu í landinu best og Tryggingastofnun að þessir einstaklingar þyrftu ekki að búa við sjúkleika sinn vegna skorts á lyfjum.