Ferill 76. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 189 — 76. mál.
Svar
fjármálaráðherra við fyrirspurn Margrétar Frímannsdóttur um jafnréttisáætlun, stöðuveitingar og skipan í nefndir og ráð.
1. Hefur ráðuneytið gert sérstaka framkvæmdaáætlun í jafnréttismálum til að tryggja jafnan hlut kvenna og karla í störfum innan ráðuneytisins og á vegum þess? Ef svo er, hvenær var það gert og hvað hefur verið gert til að framfylgja áætluninni?
Ráðuneytið hefur ekki gert sérstaka framkvæmdaáætlun í jafnréttismálum til að tryggja jafnan hlut karla og kvenna í störfum ráðuneytisins og á vegum þess. Hins vegar er samráðshópur, sem í á sæti fulltrúi fjármálaráðuneytisins, að ganga frá jafnréttisstefnu fyrir Stjórnarráðið í heild sinni. Sú stefna mun birtast í sameiginlegri starfsmannahandbók Stjórnarráðsins sem liggur nú fyrir í lokadrögum. Stjórnendur ráðuneytisins eru meðvitaðir um jafnan hlut kynjanna við mat á umsóknum og við val á starfsfólki, sbr. III. kafla laga um jafna stöðu og jafnan rétt kvenna og karla, nr. 96/2000. Hæfni umsækjenda er meginforsenda við val á umsækjendum, en hlutföll kynja eru einnig höfð til hliðsjónar.
2. Hversu margar stöður hafa verið auglýstar á vegum ráðuneytisins síðustu þrjú ár og um hvaða stöður er að ræða? Hversu margir umsækjendur voru um hverja stöðu og hversu margir þeirra voru metnir hæfir til að gegna henni, skipt eftir kyni í báðum tilvikum? Hvort var kona eða karl ráðinn í umræddar stöður?
Auglýst voru 28 störf á vegum ráðuneytisins síðustu þrjú ár. Um er að ræða stöðu ráðuneytisstjóra, stöður lögfræðinga, viðskipta- og hagfræðinga, félagsvísindamanna, sendlastörf og ritarastörf. Ekki eru til upplýsingar um fjölda umsókna um hverja stöðu í ráðuneytinu, en umsóknir fara yfirleitt í gegnum ráðningarskrifstofu sem metur umsóknir eftir hæfisskilyrðum í auglýsingu. Oft hljóta 10–20 umsóknir ítarlega skoðun og skipuleggur ráðningarskrifstofan 5–7 viðtöl í samráði við hlutaðeigandi yfirmann. Í þær 28 stöður sem auglýstar voru á síðustu þremur árum voru ráðnir 10 karlar og 18 konur. Karl var ráðinn í stöðu ráðuneytisstjóra og 9 karlar í stöður sérfræðinga, 14 konur voru ráðnar í stöður sérfræðinga, 2 í ritarastöður og 2 í afgreiðslustöður.
3. Hefur á síðustu þremur árum verið ráðið í stöður á vegum ráðuneytisins sem ekki voru auglýstar? Ef svo er, um hvaða stöður er að ræða og hvort var kona eða karl ráðinn í umræddar stöður?
Ráðið hefur verið í átta stöður án auglýsingar á síðustu þremur árum. Um er að ræða þrjár stöður sem falla undir tilflutning starfa milli embætta og skiptust þær þannig að tvær konur voru ráðnar og einn karl. Ráðnir voru fimm starfsmenn til sumarafleysinga án auglýsingar, þrír karlmenn og tvær konur.
4. Hvaða nefndir og ráð eru starfandi á vegum ráðuneytisins? Hve margir fulltrúar eru í hverri nefnd eða ráði, hvernig skiptast þeir eftir kynjum og hvenær voru þeir skipaðir?
Sjá meðfylgjandi töflu.
Heiti nefnda/ráðs |
Fjöldi í nefnd | Karlar |
Konur |
Skipun |
|
Lögbundnar nefndir: | |||||
Bílanefnd | 4 | 3 | 1 | 1999 | |
Endurskoðendaráð | 3 | 3 | 0 | 2000 | |
Kærunefnd útboðsmála | 5 | 3 | 2 | 2001 | |
Kjaranefnd | 6 | 3 | 3 | 2000 | |
Kjararannsóknanefnd opinberra starfsmanna | 9 | 8 | 1 | 2000 | |
Nefnd til að meta lausn um stundarsakir | 2 | 1 | 1 | 1997 | |
Prófnefnd löggiltra endurskoðenda | 6 | 6 | 0 | 1999 | |
Prófnefnd bókara | 3 | 2 | 1 | 1998 | |
Reikningsskilaráð | 5 | 5 | 0 | 2001 | |
Ríkisreikningsnefnd | 6 | 6 | 0 | 2000 | síðast breytt |
Ríkistollanefnd | 3 | 3 | 0 | 1999 | síðast breytt |
Samninganefnd ríkisins | 15 | 10 | 5 | 2000 | |
Samráðsnefnd um lánsfjármál ríkissjóðs | 6 | 5 | 1 | 2001 | |
Samstarfsnefnd um opinberar framkvæmdir | 5 | 5 | 0 | 2000 | síðast breytt |
Yfirfasteignamatsnefnd | 3 | 2 | 1 | 2001 | |
Yfirskattanefnd | 6 | 5 | 1 | 2000 | síðast breytt |
Nefndir samkvæmt ákvæðum kjarasamninga: | |||||
Ferðakostnaðarnefnd | 4 | 4 | 0 | 1997 | |
Námsmatsnefnd Sjúkraliðafélags Íslands | 3 | 2 | 1 | 1998 | |
Námsmatsnefnd vegna kennara í grunn- og framhaldsskólum | 5 | 3 | 2 | 1998 | |
Nefnd er úthlutar námsleyfum til presta | 3 | 3 | 0 | 1998 | |
Nefnd til að meta heildarkjarabreytingu Landssambands lögreglumanna | 5 | 5 | 0 | 1999 | |
Nefnd til að meta heildarkjarabreytingu Tollvarðafélags Íslands | 5 | 4 | 1 | 1999 | |
Samráðsnefnd um skipulag vinnutíma | 10 | 6 | 4 | 1997 | |
Verkefnanefndir: | |||||
Afskriftanefnd | 3 | 2 | 1 | 2000 | |
Framkvæmdanefnd gegn skattsvikum | 3 | 3 | 0 | 1997 | |
Gjaldtökunefnd | 3 | 2 | 1 | 1999 | |
Nefnd er geri tillögu um viðurkenningu til ríkisstofnunar sem skarað hefur fram úr | 3 | 2 | 1 | 1999 | |
Nefnd um áætlanir í skattkerfinu | 5 | 4 | 1 | 2000 | |
Nefnd til að semja reglugerð á grundvelli laga um tekjuskatt og eignarskatt | 4 | 2 | 2 | 1999 | |
Nefnd til að semja reglugerð um skatteftirlit | 6 | 5 | 1 | 1999 | |
Nefnd um athugun á skattlagningu fjármálaviðskipta milli landa | 4 | 3 | 1 | 2001 | |
Nefnd um endurskoðun laga um bókhald og ársreikninga | 4 | 3 | 1 | 2000 | |
Nefnd um endurskoðun laga um erfðafjárskatt | 4 | 0 | 4 | 2000 | |
Nefnd um endurskoðun tollalaga | 4 | 1 | 3 | 2001 | |
Nefnd um fjölþrepaskatt og viðmiðunarneyslu | 3 | 3 | 0 | 2001 | |
Nefnd um framkvæmd árangursstjórnunar | 12 | 8 | 4 | 1997 | |
Nefnd um húsnæðismál tollstjórans í Reykjavík | 3 | 2 | 1 | 2001 | |
Nefnd um íbúðarhúsnæði í eigu ríkisins | 4 | 2 | 2 | 2000 | |
Nefnd um meðferð áfallinna lífeyrisskuldbindinga vegna starfsmanna samrekstrarstofnana ríkis og Reykjavíkurborgar | 5 | 5 | 0 | 1998 | |
Nefnd um skipulag dreifilykla | 8 | 7 | 1 | 2001 | |
Nefnd um tímasetningar og álagningar vegna skattframtala | 6 | 4 | 2 | 2001 | |
Nefnd um þátttöku sveitarfélaga í stofnkostnaði og viðhaldi sjúkrahúsa og heilsugæslustöðva | 4 | 4 | 0 | 2001 | |
Nefnd um verðlagningu opinberra upplýsinga | 7 | 6 | 1 | 2000 | |
Nefnd um viðskiptamannareikning skattgreiðenda | 5 | 3 | 2 | 2000 | |
Ráðgjafarnefnd um upplýsinga- og tölvumál | 4 | 2 | 2 | 2000 | |
Samráðsnefnd fjármálaráðuneytis og Alþingis um fjárlagagerð | 5 | 4 | 1 | 1998 | |
Samráðsnefnd um gerð tvísköttunarsamninga og fjárfestingarsamninga | 5 | 4 | 1 | 1999 | |
Starfshópur um skattalegt umhverfi raforkufyrirtækja | 5 | 3 | 2 | 2000 | |
Stýrihópur um fræðslu forstöðumanna | 4 | 4 | 0 | 2000 | |
Tvísköttunarnefnd | 3 | 2 | 1 | 2000 | |
Þjóðlendunefnd | 3 | 3 | 0 | 1999 | |
Verkefnisstjórn um innkaupakort ríkisins | 4 | 4 | 0 | 1999 | |
Vinnuhópur um tölfræði virðisaukaskattsins | 3 | 3 | 0 | 1999 | |
Vinnuhópur um kynningu á gerð þjónustu- og rekstrarsamninga | 5 | 4 | 1 | 1999 | |
Annað: | |||||
Ríkisfjármálanefnd | 5 | 5 | 0 | 2001 | síðast breytt |
Samráðshópur um framkvæmd rammasamnings við Skýrr | 4 | 4 | 0 | 2000 | síðast breytt |
Samráðsnefnd ríkis og sveitarfélaga um efnahagsmál | 4 | 3 | 1 | 2000 | |
Skattalaganefnd – ráðgjafarnefnd | 4 | 2 | 2 | 1999 | |
Alls 58 nefndir | 280 | 215 | 65 |