Ferill 211. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 332 — 211. mál.
Svar
sjávarútvegsráðherra við fyrirspurn Svanfríðar Jónasdóttur um landanir á Vestfjörðum.
Fyrirspurnin hljóðar svo:
1. Hve miklum afla var landað á Vestfjörðum tvö síðustu fiskveiðiár, skipt eftir sveitarfélögum?
2. Hve mikill hluti þess afla var:
a. unninn á Vestfjörðum,
b. settur í gáma til útflutnings,
c. seldur til vinnslu í öðrum landshlutum?
Ráðuneytið fór þess á leit við Fiskistofu að hún tæki saman svar við fyrirspurninni og fer svar hennar hér á eftir.
Í meðfylgjandi töflum koma fram upplýsingar um landaðan afla íslenskra skipa á Vestfjörðum tvö síðustu fiskveiðiár flokkaðar eftir fisktegundum í hverri löndunarhöfn. Landaður afli íslenskra skipa á Vestfjörðum var 82.706 tonn fiskveiðiárið 1999/2000 og 88.804 tonn fiskveiðiárið 2000/2001. Umtalsverðum afla var landað að auki af erlendum skipum bæði fiskveiðiárin, mest af rækju og loðnu.
Tölur um magn afla einstakra fisktegunda sem landað var á Vestfjarðahöfnum fiskveiðiárin 1999/2000 og 2000/2001 eru sýndar í töflu 1 (svar við lið 1).
Tölur um magn afla einstakra fisktegunda sem fór til vinnslu á Vestfjörðum (vinnsluhús og vinnsluskip) ásamt hlutfalli þess afla af lönduðum afla á Vestfjörðum eru sýndar í töflu 2 fyrir fiskveiðiárið 1999/2000 og í töflu 3 fyrir fiskveiðiárið 2000/2001 (svar við lið 2.a). Af helstu tegundum var hlutfallslega mest unnið af rækju í fjórðungnum en minna af ýsu og kola. Meira var unnið af rækju en nemur lönduðum afla íslenskra skipa. Auk þess var verulegt magn af innfluttri rækju unnið á Vestfjörðum en sú rækja er ekki inni í þessum tölum.
Tölur um landaðan afla sem fluttur var óunninn í gámum á erlenda fiskmarkaði ásamt hlutfalli þess afla af lönduðum afla á Vestfjörðum eru sýndar í töflu 4 fyrir fiskveiðiárið 1999/2000 og í töflu 5 fyrir fiskveiðiárið 2000/2001 (svar við lið 2.b).
Sá afli sem eftir stendur af lönduðum afla á Vestfjörðum, eftir að afli til vinnslu á Vestfjörðum og afli sem fluttur var óunninn á erlenda fiskmarkaði hefur verið dreginn frá, kemur fram sem hlutfall af lönduðum afla í töflu 6 (svar við lið 2.c). Þessar tölur eru að mestu andhverfa við tölur í töflum 2 og 3. Mikið var selt í aðra landshluta af ýsu og kola en meira keypt af grálúðu og rækju en selt var úr fjórðungnum. Athuga ber að tölurnar sýna ekki veltu heldur er mismunur á seldum og keyptum afla settur fram sem hlutfall af lönduðum afla. Ef hlutfallið er neikvætt (-) þýðir það að meiri afli var unninn á Vestfjörðum en þar var landað. Það segir hins vegar ekkert um hvað varð nákvæmlega um þann afla sem þar var landað.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Tafla 6. Afli landaður á Vestfjörðum fiskveiðiárin 1999/2000 og 2000/2001 sem ekki var unninn í fjórðungnum sem hlutfall af lönduðum afla á Vestfjörðum.
| Fiskveiðiár |
||
| Fisktegund | 1999/2000 | 2000/2001 |
| Þorskur | 19,0% | 16,5% |
| Ýsa | 53,8% | 58,1% |
| Ufsi | 52,3% | 37,5% |
| Karfi/gullkarfi | 37,7% | 83,5% |
| Langa | 23,2% | 25,8% |
| Keila | 9,8% | 41,8% |
| Steinbítur | 26,6% | 13,8% |
| Úthafskarfi | -4,7% | - |
| Grálúða/svarta spraka | -48,0% | -15,5% |
| Skarkoli | 61,1% | 48,9% |
| Þykkvalúra/sólkoli | 66,6% | 71,9% |
| Sandkoli | 99,4% | 99,9% |
| Skrápflúra | 96,7% | - |
| Síld | 0,0% | 0,0% |
| Loðna | 0,0% | 0,0% |
| Rækja/djúprækja | -20,0% | -31,8% |
| Hörpudiskur | 50,3% | 56,8% |
| Kúfiskur/kúskel | 27,0% | - |
| Annað | 28,9% | 34,9% |
| Samtals | 13,9% | 11,1% |
Í töflunni er mismunur heildarafla sem landað var á Vestfjörðum fiskveiðiárin 1999/2000 og 2000/2001 og afla sem unninn var í fjórðungnum og fluttur út ferskur sömu ár. Mismunur kemur fram sem hlutfall af lönduðum afla. Þegar hlutfall er neikvætt hefur meiri afli viðkomandi tegundar farið til vinnslu á Vestfjörðum en nam lönduðum afla
