Ferill 641. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 1222 — 641. mál.
Nefndarálit
um frv. til l. um breyt. á l. nr. 8/1996, um löggildingu nokkurra starfsheita sérfræðinga í tækni- og hönnunargreinum, með síðari breytingum.
Frá iðnaðarnefnd.
Nefndin hefur fjallað um málið og fengið á sinn fund Jón Ögmund Þormóðsson frá iðnaðarráðuneyti. Umsagnir bárust frá Arkitektafélagi Íslands, Félagi húsgagna- og innanhússarkitekta og S. Stefáni Ólafssyni.
Frumvarpið byggist á tilskipun 2001/19/EB, en hún snýr að viðurkenningu á starfsréttindum ýmissa starfsstétta í tækni- og hönnunargreinum.
Nefndin leggur til að raffræðingar bætist við upptalninguna á löggiltum starfsheitum í tækni- og hönnunargreinum skv. lögum nr. 8/1996, en með því er um að ræða staðfestingu á þeim réttindum sem rafvirkjar hafa aflað sér með meistaranámi sem veitir rétt til A- eða B-löggildingar.
Nefndin leggur til að frumvarpið verði samþykkt með eftirfarandi
BREYTINGU:
Við bætist ný grein sem verði 1. gr., svohljóðandi:
Við 1. gr. laganna bætist nýr töluliður, svohljóðandi: raffræðinga.
Pétur H. Blöndal skrifar undir álit þetta með fyrirvara vegna þeirrar tillögu að bæta raffræðingum við þær starfsstéttir sem falla undir ákvæði laga nr. 8/1996.
Alþingi, 15. apríl 2002.
Hjálmar Árnason,
form., frsm.
Guðjón Guðmundsson.
Bryndís Hlöðversdóttir.
Pétur H. Blöndal,
með fyrirvara.
Svanfríður Jónasdóttir.
Helga Guðrún Jónasdóttir.
Árni Steinar Jóhannsson.
Kjartan Ólafsson.
Ísólfur Gylfi Pálmason.