Ferill 634. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 1361 — 634. mál.
Svar
landbúnaðarráðherra við fyrirspurn Kristjáns Pálssonar um óðalsjarðir í Reykjavík og Gullbringu- og Kjósarsýslum.
1. Hve margar óðalsjarðir eru í Reykjavík og Gullbringu- og Kjósarsýslum?
Samkvæmt upplýsingum sem ráðuneytið fékk hjá hlutaðeigandi sýslumannsembættum eru átta óðalsjarðir í þeim umdæmum sem fyrirspurnin beinist að.
2. Hverjir eiga þessar jarðir og hvar eru þær?
Samkvæmt upplýsingum úr þinglýsingabókum eru eftirtaldar óðalsjarðir í Reykjavík, Kjósarhreppi og Mosfellsbæ:
Brautarholt I, Kjalarnesi, Reykjavík. Eigandi: Páll Ólafsson.
Brautarholt II, Kjalarnesi, Reykjavík. Eigandi: Jón Ólafsson.
Dalsmynni, Kjalarnesi, Reykjavík. Eigandi: Bjarni Bærings Bjarnason.
Krókur, Kjalarnesi, Reykjavík. Eigendur: Gunnar, Ólafur, Anna Margrét, Hólmfríður,
Guðbjartur og Steinunn Guðbjartsbörn.
Saurbær, Kjalarnesi, Reykjavík. Eigandi: Anna Sigurðardóttir.
Varmidalur I, Kjalarnesi, Reykjavík. Eigandi: Jón Jónsson.
Meðalfell, Kjósarhreppi. Eigandi: Gísli Ellertsson.
Hrísbrú, Mosfellsbæ. Eigandi: Ólafur Ingimundarson.
3. Hve mörgum þessara jarða hefur verið skipt, hvernig var þeim skipt og milli hverra?
Samkvæmt fyrirliggjandi upplýsingum og veðbókarvottorði frá embætti sýslumannsins í Reykjavík hefur jörðinni Brautarholti verið skipt í Brautarholt I og II með landskiptagerð milli núverandi eigenda. Lóðir hafa verið seldar úr jörðunum Dalsmynni, Saurbæ og Hrísbrú og hafa gengið kaupum og sölum eftir það milli fleiri aðila.
