Ferill 736. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 1385 — 736. mál.
Fyrirspurn
til fjármálaráðherra um lífeyrisréttindi í séreign.
Frá Kristjáni Pálssyni.
1. Hve margir launamenn afla sér lífeyrisréttinda í séreign með mótframlagi atvinnurekanda, sbr. heimild í lögum nr.129/1997, um skyldutryggingu lífeyrisréttinda og starfsemi lífeyrissjóða?
2. Hve mikill er þessi séreignarsparnaður orðinn nú?
3. Hvaða sjóðir taka við slíkum séreignarsparnaði og hve mikið er varðveitt í hverjum sjóði?
4. Hver er ávöxtun séreignarsparnaðar í þessum sjóðum?
5. Hve mikið af þeim lífeyrisréttindum í séreign sem launþegi hefur samið um við atvinnurekanda hefur glatast frá gildistöku laganna vegna gjaldþrota atvinnurekenda?
Skriflegt svar óskast.
