Sigríður A. Þórðardóttir:
Herra forseti. Ég sé sérstaka ástæðu til að blanda mér í þessa umræðu þar sem ég bjó forðum á Snæfellsnesi, var þá í þeirri aðstöðu að þurfa að senda börn mín til náms í framhaldsskóla. Ég ætla að nota tækifærið til að óska Snæfellingum til hamingju og ég tel að það sem hefur komið þessu máli í þennan góða farveg sé auðvitað órjúfandi samstaða þeirra. Og það finnst mér að skipti mestu máli í þessu sambandi.