Félagsmálaráðherra (Páll Pétursson):
Herra forseti. Ég tel að sæmilega launaður maður standi að öðru jöfnu skár ef hann missir vinnuna heldur en sá sem er á lægstu launum og ég hef miklu meiri áhyggjur af þeim sem hafa af litlu að taka. Menn geta afborið það um einhvern tíma ef þeir hafa verið í sæmilegu starfi og sæmilega borguðu þó þeir missi vinnuna en það er miklu sárara fyrir þá sem hafa verið illa borgaðir að vera mánuðum saman atvinnulausir.