Kristinn H. Gunnarsson (andsvar):
Herra forseti. Ég vil bara árétta það að menn náðu niðurstöðu um pólitískar áherslur í þessum efnum sl. vor. Þær birtast í áliti því sem meiri hluti iðnn. lagði fram í þingsölum til viðbótar við þær tillögur sem ríkisstjórnin hafði fram að færa. Vegna þess m.a. að skilja má frv. til fjárlaga næsta árs á þann veg að ríkisstjórnin hyggist bara hrinda í framkvæmd þeim tillögum sem er að finna í hennar plaggi þá gerði ég athugasemd við það í ræðu minni. Ég ætlast til að ríkisstjórnin hrindi í framkvæmd þeim áherslum sem menn náðu samkomulagi um.