Guðjón A. Kristjánsson:
Herra forseti. Hér er verið að greiða atkvæði um tillögu sem ætlað er að koma í veg fyrir að dragast þurfi saman þjónusta við fatlaða á Vestfjörðum. Sérstaklega snýr þessi tillaga að verkefnum sem hafa verið unnin á Hólmavík og þjónustu við fatlaða þar. Í tillögum frá meiri hlutanum sem hér verða greidd atkvæði um á eftir er komin fram tillaga um 4 millj. í þetta verkefni. Við flutningsmenn teljum að það dugi ekki til og þess vegna væri þinginu fyrir bestu og fólki á Vestfjörðum fyrir bestu að þessi tillaga okkar yrði samþykkt.