Aðrar útgáfur af skjalinu: PDF - Word Perfect. Ferill 261. máls.
128. löggjafarþing 2002–2003.
Þskj. 472 — 261. mál.
félagsmálaráðherra við fyrirspurn Örlygs Hnefils Jónssonar um verðmæti íbúðarhúsnæðis árin 1991 og 2000.
Fyrirspurnin hljóðar svo:
1. Hvert var verðmæti alls íbúðarhúsnæðis í einstökum
a. kjördæmum,
b. sýslum,
c. kaupstöðum,
miðað við meðalverð á fermetra samkvæmt kaupsamningum, árið 1991 annars vegar og árið 2000 hins vegar og hver er mismunurinn í krónum talið og hundraðshlutum?
2. Hvert var virði alls íbúðarhúsnæðis landsmanna árið 1991 annars vegar og árið 2000 hins vegar?
3. Ef verðlag íbúðarhúsnæðis utan Reykjavíkur hefði fylgt þróun íbúðarverðs í Reykjavík 1991–2000, hversu verðmeira væri þá allt íbúðarhúsnæði utan Reykjavíkur samanlagt og sundurliðað eftir
a. kjördæmum,
b. sýslum,
c. kaupstöðum?
Leitað var upplýsinga um þetta mál hjá Fasteignamati ríkisins.
Fasteignamat ríkisins hefur ekki tölvutækar upplýsingar yfir fermetra íbúðarhúsnæðis fyrr en frá og með útgáfu fasteignaskrár 1. desember 1994. Til þess að leggja saman fermetrastærðir fyrir þann tíma þyrfti að fara í fasteignaskrár sem gefnar voru út á pappír og skrá niður og leggja saman fermetra eign fyrir eign. Slíkt er tímafrekt og miðast því umbeðnar upplýsingar við 1. desember 1994 í stað 1. desember 1991.
Í fyrirspurninni var óskað sundurliðunar upplýsinganna eftir sýslum. Slík aðgreining liggur ekki fyrir í skrám stofnunarinnar, enda hafa hinar landfræðilegu sýslur ekki stjórnskipulegt gildi lengur þar sem umdæmi sýslumanna miðast ekki við þær eftir að lög um aðskilnað dómsvalds og umboðsvalds í héraði, nr. 92/1989, tóku gildi 1. júlí 1992.
Einnig má benda á að erfiðara er að ráða í verðlag íbúðarhúsnæðis á bújörðum en í þéttbýli vegna þess að í jarðasölum er erfitt að meta hvað greitt er fyrir íbúðarhúsnæði og hvað fyrir aðra þætti svo sem land, ræktun, hlunnindi og útihús.
Vegna framangreindra ástæðna er hér borið saman verðmæti alls íbúðarhúsnæðis 1994 og 2000 eftir kjördæmum og kaupstöðum.
Miðað er við sveitarfélagaskipan eins og hún var árið 1994, þannig er t.d. Reykjavík árið 2000 án Kjalarness.
Hafa verður í huga að á tímabilinu var nokkur fjöldi húsa á Vestfjörðum sem standa á snjóflóðahættusvæðum afskráður sem íbúðarhúsnæði og skráður sem sumarhús. Þetta hefur áhrif á flatarmál og þar af leiðandi verðmæti, reiknað samkvæmt forsendum fyrirspurnarinnar, íbúðarhúsnæðis á Vestfjörðum árið 2000.
Verðmæti alls íbúðarhúsnæðis í einstökum kjördæmum árin 1994 og 2000, miðað við forsendur sem gefnar eru í fyrirspurninni, ásamt mismun í krónum talið og hundraðshlutum var eftirfarandi:
Verðmæti alls íbúðarhúsnæðis í einstökum kaupstöðum árin 1994 og 2000, miðað við forsendur sem gefnar eru í fyrirspurninni, ásamt mismun í krónum talið og hundraðshlutum var eftirfarandi:
Fasteignamat alls íbúðarhúsnæðis landsmanna samkvæmt fasteignamatsskrá 1. desember 1994 nam 559.123.775 þús. kr. Fasteignamat alls íbúðarhúsnæðis landsmanna samkvæmt fasteignamatsskrá 1. desember 2000 nam 896.470.233 þús. kr.
Ef verðlag íbúðarhúsnæðis utan Reykjavíkur hefði fylgt þróun íbúðarverðs í Reykjavík 1994–2000 hefði það verið 2.617.153 þús. kr. verðminna. Sundurliðað eftir kjördæmum:
Ef verðlag íbúðarhúsnæðis í eftirfarandi kaupstöðum hefði fylgt þróun íbúðarverðs í Reykjavík 1994–2000 hefði það verið:
128. löggjafarþing 2002–2003.
Þskj. 472 — 261. mál.
Svar
félagsmálaráðherra við fyrirspurn Örlygs Hnefils Jónssonar um verðmæti íbúðarhúsnæðis árin 1991 og 2000.
Fyrirspurnin hljóðar svo:
1. Hvert var verðmæti alls íbúðarhúsnæðis í einstökum
a. kjördæmum,
b. sýslum,
c. kaupstöðum,
miðað við meðalverð á fermetra samkvæmt kaupsamningum, árið 1991 annars vegar og árið 2000 hins vegar og hver er mismunurinn í krónum talið og hundraðshlutum?
2. Hvert var virði alls íbúðarhúsnæðis landsmanna árið 1991 annars vegar og árið 2000 hins vegar?
3. Ef verðlag íbúðarhúsnæðis utan Reykjavíkur hefði fylgt þróun íbúðarverðs í Reykjavík 1991–2000, hversu verðmeira væri þá allt íbúðarhúsnæði utan Reykjavíkur samanlagt og sundurliðað eftir
a. kjördæmum,
b. sýslum,
c. kaupstöðum?
Leitað var upplýsinga um þetta mál hjá Fasteignamati ríkisins.
Fasteignamat ríkisins hefur ekki tölvutækar upplýsingar yfir fermetra íbúðarhúsnæðis fyrr en frá og með útgáfu fasteignaskrár 1. desember 1994. Til þess að leggja saman fermetrastærðir fyrir þann tíma þyrfti að fara í fasteignaskrár sem gefnar voru út á pappír og skrá niður og leggja saman fermetra eign fyrir eign. Slíkt er tímafrekt og miðast því umbeðnar upplýsingar við 1. desember 1994 í stað 1. desember 1991.
Í fyrirspurninni var óskað sundurliðunar upplýsinganna eftir sýslum. Slík aðgreining liggur ekki fyrir í skrám stofnunarinnar, enda hafa hinar landfræðilegu sýslur ekki stjórnskipulegt gildi lengur þar sem umdæmi sýslumanna miðast ekki við þær eftir að lög um aðskilnað dómsvalds og umboðsvalds í héraði, nr. 92/1989, tóku gildi 1. júlí 1992.
Einnig má benda á að erfiðara er að ráða í verðlag íbúðarhúsnæðis á bújörðum en í þéttbýli vegna þess að í jarðasölum er erfitt að meta hvað greitt er fyrir íbúðarhúsnæði og hvað fyrir aðra þætti svo sem land, ræktun, hlunnindi og útihús.
Vegna framangreindra ástæðna er hér borið saman verðmæti alls íbúðarhúsnæðis 1994 og 2000 eftir kjördæmum og kaupstöðum.
Miðað er við sveitarfélagaskipan eins og hún var árið 1994, þannig er t.d. Reykjavík árið 2000 án Kjalarness.
Hafa verður í huga að á tímabilinu var nokkur fjöldi húsa á Vestfjörðum sem standa á snjóflóðahættusvæðum afskráður sem íbúðarhúsnæði og skráður sem sumarhús. Þetta hefur áhrif á flatarmál og þar af leiðandi verðmæti, reiknað samkvæmt forsendum fyrirspurnarinnar, íbúðarhúsnæðis á Vestfjörðum árið 2000.
Verðmæti alls íbúðarhúsnæðis í einstökum kjördæmum árin 1994 og 2000, miðað við forsendur sem gefnar eru í fyrirspurninni, ásamt mismun í krónum talið og hundraðshlutum var eftirfarandi:
Hér er efni sem sést aðeins í pdf-skjalinu.
Verðmæti alls íbúðarhúsnæðis í einstökum kaupstöðum árin 1994 og 2000, miðað við forsendur sem gefnar eru í fyrirspurninni, ásamt mismun í krónum talið og hundraðshlutum var eftirfarandi:
Hér er efni sem sést aðeins í pdf-skjalinu.
Fasteignamat alls íbúðarhúsnæðis landsmanna samkvæmt fasteignamatsskrá 1. desember 1994 nam 559.123.775 þús. kr. Fasteignamat alls íbúðarhúsnæðis landsmanna samkvæmt fasteignamatsskrá 1. desember 2000 nam 896.470.233 þús. kr.
Ef verðlag íbúðarhúsnæðis utan Reykjavíkur hefði fylgt þróun íbúðarverðs í Reykjavík 1994–2000 hefði það verið 2.617.153 þús. kr. verðminna. Sundurliðað eftir kjördæmum:
Hér er efni sem sést aðeins í pdf-skjalinu.
Ef verðlag íbúðarhúsnæðis í eftirfarandi kaupstöðum hefði fylgt þróun íbúðarverðs í Reykjavík 1994–2000 hefði það verið:
Hér er efni sem sést aðeins í pdf-skjalinu.
