Aðrar útgáfur af skjalinu: PDF - Word Perfect. Ferill 565. máls.
128. löggjafarþing 2002–2003.
Þskj. 1376 — 565. mál.
heilbrigðisráðherra við fyrirspurn Rannveigar Guðmundsdóttur um ferliverk á Landspítala – háskólasjúkrahúsi.
1. Hve mörg ferliverk voru unnin á Landspítala – háskólasjúkrahúsi á árunum 1997–2002, sundurliðað eftir árum?
Ferliverk voru flutt frá Tryggingastofnun ríkisins yfir til sjúkrahúsanna um mitt ár 1998 og eru fyrirliggjandi upplýsingar miðaðar við árið 1999, sem er fyrsta heila árið sem upplýsingar liggja fyrir um. Þær upplýsingar sem ráðuneytið hefur um ferliverk byggjast á einingafjölda en ekki á komum og eru þessar upplýsingar því gefnar í einingum. Í júní 2001 gaf Ríkisendurskoðun út skýrslu um ferliverk á sjúkrahúsum 1999–2000 en þar koma fram skilgreiningar á ferliverkum. Það verður að gera fyrirvara um áreiðanleika þeirra upplýsinga sem hér koma fram og eru fengnar frá viðkomandi stofnunum og eins úr fyrrgreindri skýrslu Ríkisendurskoðunar. Til dæmis vantar yfirlit yfir heildarumfang ferliverka á LSH í skýrslu Ríkisendurskoðunar. Ekki liggja fyrir tölulegar upplýsingar frá árinu 2002.
Á árinu 2000 er skipting á sérgreinar hjá SHR áætluð miðað við skiptingu samningsbundinna ferliverka það ár. Eins lágu ekki fyrir fullnægjandi upplýsingar frá Ríkisspítölum samkvæmt skýrslu Ríkisendurskoðunar.
2. Hvernig skiptast ferliverk eftir sérfræðigreinum?
Tölur fyrir árið 2000 eru ekki áreiðanlegar bæði hvað varðar skiptingu á sérgreinar og eins heildareiningafjölda. Upplýsingar fyrir síðasta ár liggja ekki fyrir eins og er.
3. Hvert er hámark þeirrar upphæðar sem sjúklingur hefur þurft að greiða fyrir skurðaðgerð á bæklunardeild, fyrir augnaðgerð, fyrir speglun, t.d. maga- eða ristilspeglun? Svar óskast sundurliðað eftir árunum 1997–2002.
Hlutdeild sjúklinga í kostnaði vegna göngudeildaraðgerða er samkvæmt reglugerðum eins og þær eru hverju sinni. Á árinu 1997 og fram til 8. apríl 1999 var ekki hámark á kostnaðarhlutdeild sjúklinga. Ekki liggja fyrir aðgengilegur upplýsingar um hver hafi verið hámarksgreiðsla fyrir göngudeildarþjónustu á þessum tímabili. Sjúklingur greiddi göngudeildargjald sem var 1.400 kr. auk 40% af heildarverði. Með reglugerð sem sett var 8. apríl 1999 var sett hámark á kostnaðarþátttöku sjúklings, 5.000 kr. 1. júlí 2001 hækkaði hámarkið í 6.000 kr. og síðan 1. janúar 2002 í 18.000 kr.
Inniliggjandi sjúklingar greiða engan kostnað vegna aðgerða.
4. Hvað greiða læknar fyrir aðstöðu og þjónustu sem spítali veitir? Hafa þær greiðslur verið samræmdar?
Læknar, sem vinna ferliverk, hafa greitt mismunandi hlutfall af aðgerðarkostnaði sem byggist á þeirri aðstöðu sem spítalinn útvegar. Hæst er kostnaðarhlutdeild, um 60%, vegna hjartaómskoðana en hjá öðrum læknum er kostnaðarhlutdeildin almennt á bilinu 40–45%. Landspítali – háskólasjúkrahús sagði upp ferliverkasamningum á síðasta ári og frá og með 1. mars 2003 féllu greiðslur fyrir ferliverk niður.
5. Hefur samræmd reglugerð um ferliverk verið sett?
Reglugerð var sett 9. september 1992 um ferliverk þar sem hugtakið ferliverk er skilgreint og fjallað um hvernig greiðsluþátttöku sjúklinga skuli háttað.
128. löggjafarþing 2002–2003.
Þskj. 1376 — 565. mál.
Svar
heilbrigðisráðherra við fyrirspurn Rannveigar Guðmundsdóttur um ferliverk á Landspítala – háskólasjúkrahúsi.
1. Hve mörg ferliverk voru unnin á Landspítala – háskólasjúkrahúsi á árunum 1997–2002, sundurliðað eftir árum?
Ferliverk voru flutt frá Tryggingastofnun ríkisins yfir til sjúkrahúsanna um mitt ár 1998 og eru fyrirliggjandi upplýsingar miðaðar við árið 1999, sem er fyrsta heila árið sem upplýsingar liggja fyrir um. Þær upplýsingar sem ráðuneytið hefur um ferliverk byggjast á einingafjölda en ekki á komum og eru þessar upplýsingar því gefnar í einingum. Í júní 2001 gaf Ríkisendurskoðun út skýrslu um ferliverk á sjúkrahúsum 1999–2000 en þar koma fram skilgreiningar á ferliverkum. Það verður að gera fyrirvara um áreiðanleika þeirra upplýsinga sem hér koma fram og eru fengnar frá viðkomandi stofnunum og eins úr fyrrgreindri skýrslu Ríkisendurskoðunar. Til dæmis vantar yfirlit yfir heildarumfang ferliverka á LSH í skýrslu Ríkisendurskoðunar. Ekki liggja fyrir tölulegar upplýsingar frá árinu 2002.
1999 | 2000 | 2001 | 2002 | |
Sjúkrahús Reykjavíkur | 777.549 | 758.950 | ||
Ríkisspítalar | 552.167 | 469.293 | ||
LSH | 1.476.994 | |||
Samtals | 1.349.716 | 1.228.243 | 1.476.994 | 0 |
Á árinu 2000 er skipting á sérgreinar hjá SHR áætluð miðað við skiptingu samningsbundinna ferliverka það ár. Eins lágu ekki fyrir fullnægjandi upplýsingar frá Ríkisspítölum samkvæmt skýrslu Ríkisendurskoðunar.
2. Hvernig skiptast ferliverk eftir sérfræðigreinum?
Tölur fyrir árið 2000 eru ekki áreiðanlegar bæði hvað varðar skiptingu á sérgreinar og eins heildareiningafjölda. Upplýsingar fyrir síðasta ár liggja ekki fyrir eins og er.
1999 | 2000 | 2001 | |||||
SHR | RSP | Samtals | SHR | RSP | Samtals | LSH | |
Sérgreinar | |||||||
Augnlæknar | 311.743 | 311.743 | 283.100 | 283.100 | 365.735 | ||
Barnalæknar | 32.897 | 1.808 | 34.705 | ||||
Bæklunarlæknar | 25.586 | 7.228 | 32.814 | ||||
Blóðmeinalækningar | 20.160 | 20.160 | 18.202 | ||||
Geðlæknar | |||||||
HNE-læknar | 24.838 | 24.838 | 18.276 | 18.276 | 11.163 | ||
Hjartalækningar | 0 | 150.558 | 150.558 | 127.897 | |||
Krabbameinslæknar | 72.210 | 20.494 | 92.704 | 109.834 | 109.834 | 83.227 |
1999 | 2000 | 2001 | |||||
SHR | RSP | Samtals | SHR | RSP | Samtals | LSH | |
Kvensjúkdómalæknar | |||||||
Lyf- og meltingarfæralæknar | 234.144 | 170.390 | 404.534 | 264.837 | 186.193 | 451.030 | 436.070 |
Lyflæknar aðrir | 151.759 | 59.353 | 211.112 | 45.711 | 45.711 | 21.356 | |
Lýtalæknar | 688 | 688 | |||||
Lýta- og skurðlæknar | 45.211 | 45.211 | |||||
Röntgenlæknar | 0 | 315.950 | |||||
Skurðlæknar | -704 | -704 | 24.926 | 24.926 | 28.395 | ||
Svæfingarlæknar | 73.914 | 1.284 | 75.198 | 20.080 | 20.080 | 10.194 | |
Taugalæknar | 15.685 | 15.685 | |||||
Þvagfæralæknar | 99.501 | 1.136 | 100.637 | 104.567 | 104.567 | 47.833 | |
Öldrunarlæknar | 0 | ||||||
Ótilgreint | 1.804 | -1.253 | 551 | 10.972 | |||
Samtals | 777.549 | 572.167 | 1.349.716 | 758.950 | 469.293 | 1.228.243 | 1.476.994 |
3. Hvert er hámark þeirrar upphæðar sem sjúklingur hefur þurft að greiða fyrir skurðaðgerð á bæklunardeild, fyrir augnaðgerð, fyrir speglun, t.d. maga- eða ristilspeglun? Svar óskast sundurliðað eftir árunum 1997–2002.
Hlutdeild sjúklinga í kostnaði vegna göngudeildaraðgerða er samkvæmt reglugerðum eins og þær eru hverju sinni. Á árinu 1997 og fram til 8. apríl 1999 var ekki hámark á kostnaðarhlutdeild sjúklinga. Ekki liggja fyrir aðgengilegur upplýsingar um hver hafi verið hámarksgreiðsla fyrir göngudeildarþjónustu á þessum tímabili. Sjúklingur greiddi göngudeildargjald sem var 1.400 kr. auk 40% af heildarverði. Með reglugerð sem sett var 8. apríl 1999 var sett hámark á kostnaðarþátttöku sjúklings, 5.000 kr. 1. júlí 2001 hækkaði hámarkið í 6.000 kr. og síðan 1. janúar 2002 í 18.000 kr.
Inniliggjandi sjúklingar greiða engan kostnað vegna aðgerða.
4. Hvað greiða læknar fyrir aðstöðu og þjónustu sem spítali veitir? Hafa þær greiðslur verið samræmdar?
Læknar, sem vinna ferliverk, hafa greitt mismunandi hlutfall af aðgerðarkostnaði sem byggist á þeirri aðstöðu sem spítalinn útvegar. Hæst er kostnaðarhlutdeild, um 60%, vegna hjartaómskoðana en hjá öðrum læknum er kostnaðarhlutdeildin almennt á bilinu 40–45%. Landspítali – háskólasjúkrahús sagði upp ferliverkasamningum á síðasta ári og frá og með 1. mars 2003 féllu greiðslur fyrir ferliverk niður.
5. Hefur samræmd reglugerð um ferliverk verið sett?
Reglugerð var sett 9. september 1992 um ferliverk þar sem hugtakið ferliverk er skilgreint og fjallað um hvernig greiðsluþátttöku sjúklinga skuli háttað.