Aðrar útgáfur af skjalinu: PDF - Word Perfect. Ferill 306. máls.

---

130. löggjafarþing 2003–2004.
Þskj. 683  —  306. mál.

Frumvarp til laga

um breytingu á ýmsum lögum á orkusviði.

(Eftir 2. umr., 12. des.)

Breyting á orkulögum, nr. 58 29. apríl 1967, með síðari breytingum.
1. gr.

    Við 80. gr. laganna bætist ný málsgrein, svohljóðandi:
    Þó skulu aðilar skv. 1. mgr. greiða til sveitarfélaga þau opinber gjöld sem gert er að greiða af fasteignum í eigu þeirra samkvæmt öðrum lagafyrirmælum.

Breyting á lögum um stofnun hlutafélags um Hitaveitu Suðurnesja,
nr. 10 19. mars 2001, með síðari breytingum.
2. gr.

    Við 14. gr. laganna bætist nýr málsliður er verður 2. málsl., svohljóðandi: Þó skal Hitaveita Suðurnesja hf. greiða til sveitarfélaga þau opinber gjöld sem gert er að greiða af fasteignum félagsins samkvæmt öðrum lagafyrirmælum.

Breyting á lögum um stofnun hlutafélags um Norðurorku,
nr. 159 20. desember 2002, með síðari breytingum.
3. gr.

    Við 1. mgr. 9. gr. laganna bætist nýr málsliður er verður 2. málsl., svohljóðandi: Þó skal Norðurorka hf. greiða til sveitarfélaga þau opinber gjöld sem gert er að greiða af fasteignum félagsins samkvæmt öðrum lagafyrirmælum.

Breyting á lögum um stofnun hlutafélags um Orkubú Vestfjarða,
nr. 40 30. maí 2001, með síðari breytingum.

4. gr.

    Við 12. gr. laganna bætist nýr málsliður, svohljóðandi: Þó skal Orkubú Vestfjarða hf. greiða til sveitarfélaga þau opinber gjöld sem gert er að greiða af fasteignum félagsins samkvæmt öðrum lagafyrirmælum.

Breyting á lögum um stofnun sameignarfyrirtækis um Orkuveitu Reykjavíkur,
nr. 139 21. desember 2001, með síðari breytingum.
5. gr.

    Við 10. gr. laganna bætist nýr málsliður er verður 2. málsl., svohljóðandi: Þó skal Orkuveita Reykjavíkur greiða til sveitarfélaga þau opinber gjöld sem gert er að greiða af fasteignum fyrirtækisins samkvæmt öðrum lagafyrirmælum.

6. gr.

    Lög þessi öðlast þegar gildi.