Aðrar útgáfur af skjalinu: PDF - Word Perfect. Ferill 280. máls.
131. löggjafarþing 2004–2005.
Þskj. 302 — 280. mál.
um breytingu á lögum nr. 96/1995, um gjald af áfengi og tóbaki, með síðari breytingum.
Björgvin G. Sigurðsson, Drífa Hjartardóttir, Einar K. Guðfinnsson,
Einar Már Sigurðarson, Guðmundur Hallvarðsson, Guðrún Ögmundsdóttir,
Helgi Hjörvar, Hjálmar Árnason, Jón Gunnarsson, Katrín Júlíusdóttir,
Lúðvík Bergvinsson, Mörður Árnason, Sigurjón Þórðarson,
Þórunn Sveinbjarnardóttir.
Þrátt fyrir ákvæði 1. málsl. 1. mgr. 7. gr. skulu 1,25% af innheimtu áfengisgjaldi renna í Forvarnasjóð næstu þrjú ár eftir gildistöku laga þessara.
Þetta frumvarp er flutt í tengslum við frumvarp um breytingu á áfengislögum þess efnis að aldursmörk til kaupa og neyslu á léttvíni og bjór verði færð úr 20 ára aldri niður í 18 ára aldur. Mikilvægt er að efla allar forvarnir í áfengismálum og er eðlilegt að það verði gert samfara lækkun á áfengiskaupaaldri.
Samkvæmt 7. gr. laga um gjald af áfengi og tóbaki rennur 1% af áfengisgjaldi til Forvarnasjóðs. Í frumvarpi til fjárlaga fyrir árið 2004 er gert ráð fyrir að framlag til Forvarnasjóðs af innheimtu áfengisgjaldi nemi um 73 millj. kr. Hér er lagt til að hlutdeild sjóðsins verði aukin um 0,25% til þriggja ára en það ætti að auka ráðstöfunarfé hans í um 91 millj. kr. á ári. Í ár nema úthlutanir Forvarnasjóðs 44.600.000 kr., þar af fara 10 millj. kr. til áfangaheimila. Um 60% af ráðstöfunarfé sjóðsins hefur verið varið til verkefna og áfangaheimila ár hvert.
Flutningsmenn leggja áherslu á að viðbótarframlagið verði nýtt með skipulegum hætti til forvarna og þá einkum til forvarna í efri bekkjum grunnskóla og framhaldsskólum. Þegar úthlutanir fyrir árin 2003 og 2004 eru skoðaðar er ljóst að verkefni tengd skólum fá innan við 10% þess fjár sem úthlutað er.
Árið 2002 voru umsóknir til Forvarnasjóðs 130 talsins og heildarfjárhæð þeirra um 200 millj. kr. Af þessu er ljóst að fjárþörf Forvarnasjóðs er töluvert meiri en fjárframlög til hans. Með auknu fjárframlagi vegna tímabundinnar hækkunar á hlut Forvarnasjóðs á innheimtu áfengisgjaldi ætti að vera hægt að styrkja fleiri umsækjendur ár hvert og styrkja mikilvæg verkefni myndarlega.
Lagt er til að lögin öðlist gildi 1. janúar 2005 og þarf þá að taka tillit til þess við afgreiðslu fjárlaga fyrir árið 2005.
Fylgiskjal.
Lýðheilsustöð:
131. löggjafarþing 2004–2005.
Þskj. 302 — 280. mál.
Frumvarp til laga
um breytingu á lögum nr. 96/1995, um gjald af áfengi og tóbaki, með síðari breytingum.
Flm.: Jóhanna Sigurðardóttir, Ágúst Ólafur Ágústsson, Bjarni Benediktsson,
Björgvin G. Sigurðsson, Drífa Hjartardóttir, Einar K. Guðfinnsson,
Einar Már Sigurðarson, Guðmundur Hallvarðsson, Guðrún Ögmundsdóttir,
Helgi Hjörvar, Hjálmar Árnason, Jón Gunnarsson, Katrín Júlíusdóttir,
Lúðvík Bergvinsson, Mörður Árnason, Sigurjón Þórðarson,
Þórunn Sveinbjarnardóttir.
1. gr.
Við lögin bætist ákvæði til bráðabirgða, svohljóðandi:Þrátt fyrir ákvæði 1. málsl. 1. mgr. 7. gr. skulu 1,25% af innheimtu áfengisgjaldi renna í Forvarnasjóð næstu þrjú ár eftir gildistöku laga þessara.
2. gr.
Lög þessi öðlast gildi 1. janúar 2005.Greinargerð.
Þetta frumvarp er flutt í tengslum við frumvarp um breytingu á áfengislögum þess efnis að aldursmörk til kaupa og neyslu á léttvíni og bjór verði færð úr 20 ára aldri niður í 18 ára aldur. Mikilvægt er að efla allar forvarnir í áfengismálum og er eðlilegt að það verði gert samfara lækkun á áfengiskaupaaldri.
Samkvæmt 7. gr. laga um gjald af áfengi og tóbaki rennur 1% af áfengisgjaldi til Forvarnasjóðs. Í frumvarpi til fjárlaga fyrir árið 2004 er gert ráð fyrir að framlag til Forvarnasjóðs af innheimtu áfengisgjaldi nemi um 73 millj. kr. Hér er lagt til að hlutdeild sjóðsins verði aukin um 0,25% til þriggja ára en það ætti að auka ráðstöfunarfé hans í um 91 millj. kr. á ári. Í ár nema úthlutanir Forvarnasjóðs 44.600.000 kr., þar af fara 10 millj. kr. til áfangaheimila. Um 60% af ráðstöfunarfé sjóðsins hefur verið varið til verkefna og áfangaheimila ár hvert.
Flutningsmenn leggja áherslu á að viðbótarframlagið verði nýtt með skipulegum hætti til forvarna og þá einkum til forvarna í efri bekkjum grunnskóla og framhaldsskólum. Þegar úthlutanir fyrir árin 2003 og 2004 eru skoðaðar er ljóst að verkefni tengd skólum fá innan við 10% þess fjár sem úthlutað er.
Árið 2002 voru umsóknir til Forvarnasjóðs 130 talsins og heildarfjárhæð þeirra um 200 millj. kr. Af þessu er ljóst að fjárþörf Forvarnasjóðs er töluvert meiri en fjárframlög til hans. Með auknu fjárframlagi vegna tímabundinnar hækkunar á hlut Forvarnasjóðs á innheimtu áfengisgjaldi ætti að vera hægt að styrkja fleiri umsækjendur ár hvert og styrkja mikilvæg verkefni myndarlega.
Lagt er til að lögin öðlist gildi 1. janúar 2005 og þarf þá að taka tillit til þess við afgreiðslu fjárlaga fyrir árið 2005.
Fylgiskjal.
Lýðheilsustöð:
Úthlutun úr Forvarnasjóði 2004.
(Birt á heimasíðu Lýðheilsustöðvar.)
Verkefni | Styrkur |
Samráðshópur bindindisfélaganna | 10.000.000 |
Vertu til – Sveitarfélagaverkefni | 4.500.000 |
Saman hópurinn – „Undir sama(n) þaki?“ Hvatning og stuðningur til foreldra | 1.500.000 |
Ný leið ráðgjöf – „Lífslistin“, þróunarverkefni fyrir 15–18 ára. Námskeið í listum og lífsleikni | 1.000.000 |
UMFÍ – Unglingalandsmót UMFÍ 2004 á Sauðárkróki | 1.000.000 |
Vímulaus æska – Stuðningsmeðferð fyrir unglinga sem lokið hafa langtímameðferð | 1.000.000 |
Fjölsmiðjan – „Upp með sjálfstraustið“ | 800.000 |
Rauðu skórnir, sviðslistarhópur – Leiksýning fyrir elstu nemendur grunnskóla og framhaldsskólanemendur | 800.000 |
Sumarheimili templara – Bindindismótið í Galtalækjarskógi 2004 | 800.000 |
Jafningjafræðslan Hitt húsið | 700.000 |
Hafnarfjarðarbær – Eftirfylgdarþjónusta vegna brottfalls úr framhaldsskóla | 600.000 |
Austur-Hérað – „Inn í hlýjuna“ fyrir aldurshópinn 16–20 ára | 500.000 |
Bindindisfélag ökumanna – Átak gegn ölvunarakstri | 500.000 |
Elísabet Karlsdóttir og Jóhanna Rósa Arnardóttir – Könnun á viðhorfum ungs fólks til forvarna | 500.000 |
Félagsmiðstöðin Vitinn Hafnarfirði – Foreldraskóli | 500.000 |
Hildigunnur Ólafsdóttir – Rannsókn á áfengisneyslu, veitingahúsum og menningu | 500.000 |
Menntasmiðjan á Akureyri – Fyrir 17–26 ára sem ekki eru í vinnu eða skóla | 500.000 |
SÁÁ – Útihátíð | 500.000 |
Skógarmenn KFUM í Vatnaskógi – Sæludagar í Vatnaskógi 2004 | 500.000 |
Stýrihópur um forvarnir f.h. Bessastaðahrepps – Uppbyggingarstefna | 500.000 |
Vímulaus æska – „Börn eru líka fólk“ | 500.000 |
Vímulaus æska – Fjölskylduráðgjöfin | 500.000 |
„Hættu áður en þú byrjar“ – Mat á verkefninu | 400.000 |
Áhugafélagið Húsið – Menningar- og kaffihús fyrir ungt fólk í Vestmannaeyjum | 400.000 |
Miðborgarstarf KFUM og KFUK | 400.000 |
Bindindissamtökin IOGT – Barnablaðið Æskan | 300.000 |
Bindindisfélag ökumanna – Hvatning til neyslu óáfengra drykkja | 300.000 |
Fjölskyldumiðstöð – Kynning á ráðgjöf | 300.000 |
Forvarnanefnd Garðabæjar – „Strax“ fyrir 13–18 ára unglinga sem ratað hafa í afbrot og vímuefnaneyslu | 300.000 |
Hósanna-hópurinn – Götu-hjálparstarf | 300.000 |
SAMFÉS – Helgarsmiðjur fyrir unglinga 13–16 ára | 300.000 |
SAMFOK – Styrkja foreldra og efla foreldrarölt | 300.000 |
Átak í forvörnum í Skagafirði – Geymsla, unglingahús | 200.000 |
Félagsmiðstöðin Hraunið, Hafnarfirði – Unglingar á batavegi, drengir 13–18 ára | 200.000 |
Félagsmiðstöðin Ný-ung, Egilsstöðum – „Sterkar stelpur“ | 200.000 |
Forvarnanefnd Hafnarfjarðarbæjar og Íþróttabandalag Hafnarfjarðar – Fjölskyldan saman, gaman | 200.000 |
Gamla apótekið – Menningar- og kaffihús fyrir ungt fólk á Ísafirði | 200.000 |
Hættu áður en þú byrjar – Fíkniefnafræðsla fyrir nemendur 8. bekk og foreldrar þeirra | 200.000 |
Hættu áður en þú byrjar – Fíkniefnafræðsla fyrir nemendur 9. bekk og foreldrar þeirra | 200.000 |
Hættu áður en þú byrjar – Eftirfylgd, nemendur og foreldrar barna í 10. bekk | 200.000 |
Íþrótta- og Ólympíusamband Íslands – Siðfræði þjálfarans | 200.000 |
KFUM og KFUK – Tveggja hæða strætisvagn | 200.000 |
Róda/Hrósa – „Þegar mamma og pabbi drekka“ | 200.000 |
Stýrihópur um forvarnir í Húnaþingi vestra – SOS-hjálp fyrir foreldra | 200.000 |
Tollstjórinn í Reykjavík – Fræðslufyrirlestur tollvarðar ásamt fíkniefnaleitarhundi | 200.000 |
Tún – Menningar- og kaffihús fyrir ungt fólk á Húsavík | 200.000 |
Listauki – Listahátíð ungs fólks í Vestmannaeyjum | 100.000 |
Samráðshópur um miðbæjarathvarf – Fræðslubæklingur | 100.000 |
Lindaskóli-Hjallaskóli – Klúbbar fyrir nemendur sem eru án vímuefna | 100.000 |
Styrkir til verkefna samtals | 34.600.000 |
Áfangaheimili | |
Dyngjan | 2.500.000 |
Risið | 2.500.000 |
Stoðbýlið Samhjálp | 1.000.000 |
Takmarkið | 1.000.000 |
Vernd fangahjálp | 1.000.000 |
12 spora húsið, líknarfélagið Skjöldur | 1.000.000 |
Byrgið | 500.000 |
Krossgötur | 500.000 |
Styrkir til áfangaheimila samtals | 10.000.000 |
Samtals úthlutað styrkjum 2004 | 44.600.000 |