Aðrar útgáfur af skjalinu: PDF - Word Perfect. Ferill 307. máls.
131. löggjafarþing 2004–2005.
Þskj. 558 — 307. mál.
félagsmálaráðherra við fyrirspurn Margrétar Frímannsdóttur um styrki til að sporna við atvinnuleysi.
1. Hversu mörg sveitarfélög hafa sótt um styrki til svæðisvinnumiðlana vegna sérstakra verkefna til að sporna við atvinnuleysi?
Árið 2003 sóttu 30 sveitarfélög um styrki til svæðisvinnumiðlana vegna sérstakra verkefna til að sporna við atvinnuleysi. Fengu þau öll styrki en fjögur þeirra nýttu sér ekki veitta styrki. Þar af leiðandi fengu alls 26 sveitarfélög styrki árið 2003.
2. Hversu mörg sveitarfélög hafa fengið slíka styrki, hver er fjöldi verkefna á vegum þeirra og hver er skiptingin eftir landsvæðum?
Verkefni á vegum þeirra 26 sveitarfélaga sem fengu styrki árið 2003 voru samtals 67. Skipting sveitarfélaga og verkefna eftir landsvæðum var eftirfarandi:
3. Hversu margir voru á atvinnuleysisskrá annars vegar í þeim sveitarfélögum sem fengu styrki og hins vegar þeim sem fengu ekki styrki?
Að meðaltali var fjöldi einstaklinga án atvinnu 31,7 í sveitarfélögum sem fengu styrki árið 2003 en 50,9 í sveitarfélögum sem sóttu ekki sérstaklega um styrki. Þar skiptir máli að engin sveitarfélög á höfuðborgarsvæðinu sóttu um styrki af þessu tagi en þar eru fjölmennustu sveitarfélögin og flestir atvinnulausir. Þegar litið er til einstakra svæða kemur í ljós að mun fleiri eru að jafnaði á atvinnuleysisskrá í þeim sveitarfélögum sem fengu styrki en þeim sem ekki sóttu um styrki. Enn fremur virðist sem fjölmennari sveitarfélögin sæki frekar um styrki til sérstakra verkefna en þau fámennari. Taflan hér að neðan sýnir meðalfjölda atvinnulausra í mánuði í þeim sveitarfélögum er fengu styrki og í öðrum sveitarfélögum, skipt eftir landsvæðum.
131. löggjafarþing 2004–2005.
Þskj. 558 — 307. mál.
Svar
félagsmálaráðherra við fyrirspurn Margrétar Frímannsdóttur um styrki til að sporna við atvinnuleysi.
1. Hversu mörg sveitarfélög hafa sótt um styrki til svæðisvinnumiðlana vegna sérstakra verkefna til að sporna við atvinnuleysi?
Árið 2003 sóttu 30 sveitarfélög um styrki til svæðisvinnumiðlana vegna sérstakra verkefna til að sporna við atvinnuleysi. Fengu þau öll styrki en fjögur þeirra nýttu sér ekki veitta styrki. Þar af leiðandi fengu alls 26 sveitarfélög styrki árið 2003.
2. Hversu mörg sveitarfélög hafa fengið slíka styrki, hver er fjöldi verkefna á vegum þeirra og hver er skiptingin eftir landsvæðum?
Verkefni á vegum þeirra 26 sveitarfélaga sem fengu styrki árið 2003 voru samtals 67. Skipting sveitarfélaga og verkefna eftir landsvæðum var eftirfarandi:
| Fjöldi | ||
| Sveitarfélög sem fengu styrki | Styrkt verkefni | |
| Höfuðborgarsvæðið | 0 | 0 |
| Suðurnes | 4 | 8 |
| Vesturland | 5 | 24 |
| Vestfirðir | 4 | 5 |
| Norðurland vestra | 5 | 10 |
| Norðurland eystra | 3 | 9 |
| Austurland | 2 | 2 |
| Suðurland | 3 | 9 |
| Samtals | 26 | 67 |
| Heimild: Vinnumálastofnun. | ||
3. Hversu margir voru á atvinnuleysisskrá annars vegar í þeim sveitarfélögum sem fengu styrki og hins vegar þeim sem fengu ekki styrki?
Að meðaltali var fjöldi einstaklinga án atvinnu 31,7 í sveitarfélögum sem fengu styrki árið 2003 en 50,9 í sveitarfélögum sem sóttu ekki sérstaklega um styrki. Þar skiptir máli að engin sveitarfélög á höfuðborgarsvæðinu sóttu um styrki af þessu tagi en þar eru fjölmennustu sveitarfélögin og flestir atvinnulausir. Þegar litið er til einstakra svæða kemur í ljós að mun fleiri eru að jafnaði á atvinnuleysisskrá í þeim sveitarfélögum sem fengu styrki en þeim sem ekki sóttu um styrki. Enn fremur virðist sem fjölmennari sveitarfélögin sæki frekar um styrki til sérstakra verkefna en þau fámennari. Taflan hér að neðan sýnir meðalfjölda atvinnulausra í mánuði í þeim sveitarfélögum er fengu styrki og í öðrum sveitarfélögum, skipt eftir landsvæðum.
| Meðalfjöldi atvinnulausra á mánuði | ||
| Sveitarfélög sem fengu styrki | Önnur sveitarfélög | |
| Höfuðborgarsvæðið | - | 424,3 |
| Suðurnes | 81,3 | 13,8 |
| Vesturland | 28,0 | 2,0 |
| Vestfirðir | 17,4 | 2,3 |
| Norðurland vestra | 16,4 | 0,6 |
| Norðurland eystra | 96,9 | 6,4 |
| Austurland | 34,5 | 5,5 |
| Suðurland | 35,5 | 12,2 |
| Samtals | 31,7 | 50,9 |
| Heimild: Vinnumálastofnun. | ||
