Aðrar útgáfur af skjalinu: PDF - Word Perfect. Ferill 609. máls.
131. löggjafarþing 2004–2005.
Þskj. 1023 — 609. mál.
sjávarútvegsráðherra við fyrirspurn Magnúsar Þórs Hafsteinssonar um haf-, fiski- og rækjurannsóknir í Arnarfirði.
Fyrirspurnin hljóðar svo:
1. Hver hefur verið árlegur heildarkostnaður við haf-, fiski- og rækjurannsóknir í Arnarfirði síðan árið 1999, reiknað til núvirðis?
2. Hve miklum fjárhæðum hyggjast stjórnvöld verja til slíkra rannsókna í Arnarfirði á þessu ári?
3. Liggja fyrir áætlanir um að auka rannsóknir í firðinum og ef svo er, hvaða rannsóknir eru það, sundurliðað eftir verkefnum, og hvernig verða þær fjármagnaðar?
Meðfylgjandi tafla sýnir heildarkostnað Hafrannsóknastofnunarinnar við þau verkefni sem unnið hefur verið að í Arnarfirði síðan 1999. Þar vega eðlilega þyngst árlegar rannsóknir á rækju, einkum stofnmælingar sem eru mikilvægar við ráðgjöf um leyfilegan hámarksafla á hverri vertíð. Á árunum 2001–2002 var Arnarfjörður einnig kortlagður með fjölgeislamæli.
Upplýsingar sem fengust í þeirri rannsókn um botngerð og lögun botnsins í firðinum gefa skýrari mynd af fiskgengd og útbreiðslu rækju en áður var fyrir hendi.
Á árinu 2005 verða rækjurannsóknir með svipuðu sniði og áður. Þar að auki kemur til sérstakt átak vegna aukinna rannsókna á samspili þorsks og ýsu annars vegar og rækju í firðinum hins vegar. Annað nátengt og nýtt verkefni á þessu ári snýr að því að reyna að fanga fisk til áframeldis með fóðrun í kvíum. Heildarkostnaður vegna rannsókna í Arnarfirði á árinu 2005 verður því mun meiri en á undanförnum árum.
Engar áætlanir liggja fyrir á þessu stigi málsins um aðrar rannsóknir í firðinum.
131. löggjafarþing 2004–2005.
Þskj. 1023 — 609. mál.
Svar
sjávarútvegsráðherra við fyrirspurn Magnúsar Þórs Hafsteinssonar um haf-, fiski- og rækjurannsóknir í Arnarfirði.
Fyrirspurnin hljóðar svo:
1. Hver hefur verið árlegur heildarkostnaður við haf-, fiski- og rækjurannsóknir í Arnarfirði síðan árið 1999, reiknað til núvirðis?
2. Hve miklum fjárhæðum hyggjast stjórnvöld verja til slíkra rannsókna í Arnarfirði á þessu ári?
3. Liggja fyrir áætlanir um að auka rannsóknir í firðinum og ef svo er, hvaða rannsóknir eru það, sundurliðað eftir verkefnum, og hvernig verða þær fjármagnaðar?
Meðfylgjandi tafla sýnir heildarkostnað Hafrannsóknastofnunarinnar við þau verkefni sem unnið hefur verið að í Arnarfirði síðan 1999. Þar vega eðlilega þyngst árlegar rannsóknir á rækju, einkum stofnmælingar sem eru mikilvægar við ráðgjöf um leyfilegan hámarksafla á hverri vertíð. Á árunum 2001–2002 var Arnarfjörður einnig kortlagður með fjölgeislamæli.
Upplýsingar sem fengust í þeirri rannsókn um botngerð og lögun botnsins í firðinum gefa skýrari mynd af fiskgengd og útbreiðslu rækju en áður var fyrir hendi.
Á árinu 2005 verða rækjurannsóknir með svipuðu sniði og áður. Þar að auki kemur til sérstakt átak vegna aukinna rannsókna á samspili þorsks og ýsu annars vegar og rækju í firðinum hins vegar. Annað nátengt og nýtt verkefni á þessu ári snýr að því að reyna að fanga fisk til áframeldis með fóðrun í kvíum. Heildarkostnaður vegna rannsókna í Arnarfirði á árinu 2005 verður því mun meiri en á undanförnum árum.
Engar áætlanir liggja fyrir á þessu stigi málsins um aðrar rannsóknir í firðinum.
Kostnaður Hafrannsóknastofnunarinnar við rannsóknir í Arnarfirði í þús. kr.
1999 | 2000 | 2001 | 2002 | 2003 | 2004 | 2005 | |
Rækjurannsóknir | 4.467 | 5.123 | 4.457 | 2.560 | 2.956 | 2.956 | 5.156 |
Hörpudisksrannsóknir | 1.490 | 1.490 | |||||
Straummælingar vegna kalkþörunga | 305 | 325 | |||||
Botnmælingar með fjölgeislamæli | 4.133 | 2.677 | |||||
Mengunarsýnataka | 105 | 440 | |||||
Botndýrarannsóknir | 420 | ||||||
Rallstöðvar | 290 | 290 | 290 | 290 | 290 | 290 | 290 |
Söfnun á þorski og ýsu í kvíar | 11.065 | ||||||
Samtals | 6.247 | 5.413 | 10.780 | 6.292 | 3.246 | 3.666 | 16.511 |